Viarchoŭnaja rada Ukrainy adkłała da 19 listapada razhlad zakonaprajekta, jaki moh by dazvolić adpravić asudžanaha eks-premjera Juliju Cimašenku na lačeńnie za miažu.
Apazicyja, jakaja nastojvaje na rašeńni hetaha pytańnia, sustreła paviedamleńnie śpikiera Rady Uładzimira Rybaka pra zakryćcio siesii krykami «hańba».
Na minułym tydni pasłańniki Jeŭraparłamienta Pet Koks i Alaksandr Kvaśnieŭski zaklikali ŭkrainski parłamient da 12—13 listapada pryniać tak zvanyja «jeŭraintehracyjnyja zakony».
U minułuju piatnicu parłamient pryniaŭ u pieršym čytańni dva z troch hetych zakonaprajektaŭ — ab prakuratury i źmienach u vybarčaje zakanadaŭstva. Ale zakonaprajekt ab lačeńni viaźniaŭ za miažoj było prapanavana razhledzieć 19 listapada.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary