U minułyja vychadnyja ŭ Čarnihavie nieviadomyja abmalavali rasijskimi trykałorami niekalki pomnikaŭ.
Pra heta na svajoj staroncy ŭ Fejsbuku paviedamiŭ vučony sakratar Nacyjanalnaha architekturna-histaryčnaha zapaviednika «Čarnihaŭ staražytny» Siarhiej Čarniakoŭ.
«6 krasavika ŭ Čarnihavie zarehistravanyja niekalki vypadkaŭ prarasijskaha vandalizmu. U pryvatnaści, farbaj namalavany rasiejski trykałor na pomniku hietmanu Ivanu Mazepie, na miemaryjale Słavy na Bołdzinaj hary i pamiatnym znaku ŭ honar savieckich voinaŭ-vyzvalicielaŭ (tanku T-34). Ab aktach vandalizmu paviedamili pravaachoŭnym orhanam», — napisaŭ Čarniakoŭ.
Pavodle infarmacyi čarnihaŭskaha sajta «Padziei i kamientary», taksama ŭ horadzie źjavilisia ŭlotki pravakacyjnaha źmiestu. U ich ruskamoŭnym žycharam Ukrainy, čyje relihijnyja, kulturnyja i moŭnyja pravy parušajucca, prapanoŭvali źviartacca na «haračuju» liniju Ministerstva rehijanalnaha raźvićcia Rasijskaj Fiederacyi.
U paniadziełak na bryfinhu staršynia Čarnihaŭskaj abłasnoj administracyi Uładzimir Ivaška paviedamiŭ, što milicyja znajšła pravaparušalnikaŭ. Tamu ŭžo viadoma, što ŭlotki lapiła asoba, jakaja «nie maje dačynieńnia da jakich-niebudź źniešnich ci ŭnutranych prajektaŭ», hety čałaviek prosta vykazvaŭ svoj punkt hledžańnia. A voś pomniki, pa słovach Ivaška, razmalavali pradstaŭniki viadomych palityčnych siłaŭ, pradstaŭlenych u haradskim saviecie i hramadskich arhanizacyjach.
Kamientary