Za razbojny napad na sastarełuju žančynu asudžany 21-hadovy niepracoŭny žychar Baranavič.
Jak paviedamiŭ načalnik adździeła prakuratury Bresckaj vobłaści Alena Leščanka, u lutym 2014 hoda adzinokaja 80-hadovaja žančyna, jakaja žyvie ŭ Baranavičach, puściła pažyć u svaju kvateru hetaha maładoha čałavieka i jaho znajomuju.
Viečaram 8 sakavika kvatarant, jaki znachodziŭsia ŭ stanie ałkaholnaha apjanieńnia, staŭ patrabavać u haspadyni kvatery hrošy. Paśla taho jak taja zajaviła, što hrošaj u jaje niama, mužčyna staŭ bić piensijanierku rukami pa hałavie i tułavu. Zatym zabraŭ schavanyja ŭ nadzietym na jaje adzieńni hrošy, 127 tys. rubloŭ, i ŭciok ź miesca złačynstva.
Paciarpiełaja vybiehła na bałkon kvatery i stała klikać dapamohu. Susiedzi vyklikali chutkuju dapamohu, jakaja dastaviła žančynu ŭ balnicu. Paciarpiełuju špitalizavali. Joj byli pryčynieny lohkija cialesnyja paškodžańni, jakija paciahnuli karotkačasovaje rasstrojstva zdaroŭja.
Supracoŭniki milicyi zatrymali maładoha čałavieka 10 sakavika. U jaho kanfiskavali hrošy, jakimi jon zavałodaŭ.
11 lipienia sud Baranavickaha rajona i horada Baranavičy pryznaŭ maładoha čałavieka vinavatym va ŭčynieńni złačynstva na padstavie č. 1 art. 207 Kryminalnaha kodeksa (razboj) i pryhavaryŭ da troch hadoŭ šaści miesiacaŭ pazbaŭleńnia voli z adbyvańniem pakarańnia ŭ papraŭčaj kałonii ŭzmocnienaha režymu.
«Asudžany abskardziŭ pryhavor. Jon prasiŭ pierakvalifikavać jaho dziejańni na hrabiež i pryznačyć pakarańnie, nie źviazanaje z pazbaŭleńniem voli, — adznačyła Leščanka. — 2 vieraśnia kalehija pa kryminalnych spravach Bresckaha abłasnoha suda pakinuła pryhavor bieź źmieny, i jon nabyŭ moc».
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary