Juraś Bieleńki: Tolki biełaruskaja mova pastavić zasłonu rasijskaj ahresii
Vystupajučy 9 listapada na mitynhu kala Łošyckaha jara ŭ Minsku, namieśnik staršyni Kansiervatyŭna-chryścijanskaj partyi - BNF Juraś Bieleńki zaklikaŭ hramadzian Biełarusi karystacca biełaruskaj movaj.
«Siońnia my znachodzimsia ŭ stanie akupacyjnaj vajny z Rasijaj. Tolki naša biełaruskaja mova moža pastavić zasłon hetaj ahresii», — ličyć palityk. «Razmaŭlajučy pa-rusku, ty pasiŭna niščyš biełarusaŭ», — dadaŭ Bieleńki, padkreśliŭšy pry hetym, što biełarusy «vyžyvuć, niahledziačy ni na što».
Bieleńki zajaviŭ, što ciapierašnija ŭłady Biełarusi chavajuć u Łošyckim jary «niešta važnaje i haniebnaje dla siabie». «Režym nie choča raskryvać praŭdy pra balšavickija represii. Na hetym miescy ŭ svabodnaj niezaležnaj Biełarusi źjavicca miemaryjał, spraviadlivaść budzie adnoŭlena. Na mahiłach nie pavinny znachodzicca piasok i aŭtamabili (zaraz za dvaccać mietraŭ ad pamiatnaha znaka ŭ honar niavinna zabitych achviaraŭ stalinskich represij znachodziacca aŭtastajanki, viaducca budaŭniča-ramontnyja raboty)», — skazaŭ palityk.
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary