ZŠA pavinny padklučycca da pracesu ŭrehulavańnia situacyi va Ukrainie, ličyć Alaksandr Łukašenka.
Pra heta jon zajaviŭ 31 sakavika ŭ intervju miedyjachołdynhu «Błumbierh», adkazvajučy na kompleks pytańniaŭ, źviazanych z pracesam urehulavańnia situacyi va Ukrainie paśla dasiahnieńnia minskich pahadnieńniaŭ u narmandskim farmacie.
U pryvatnaści, paviedamlaje pres-słužba prezidenta, Łukašenka spyniŭsia na roli viadučych suśvietnych hulcoŭ va ŭrehulavańni ŭkrainskaj situacyi i ŭ padtrymańni vajenna-palityčnaj stabilnaści ŭ śviecie ŭ cełym.
«Bolš za ŭsio naściarožvaje toje, što da hetaha pracesu adkryta nie byli padklučanyja Złučanyja Štaty Amieryki, — zajaviŭ Łukašenka. — Ja liču, što biez amierykancaŭ va Ukrainie niemahčymaja nijakaja stabilnaść. I sustrakajučysia ŭ apošni čas z pradstaŭnikami Złučanych Štataŭ Amieryki, aficyjnymi pradstaŭnikami, jakija u nas byvali, ja nastojliva davodziŭ da ich hety punkt hledžańnia, zajaŭlajučy pra toje, što ja nie viedaju, čaho chočuć amierykancy tut, va Uschodniaj Jeŭropie, va Ukrainie ŭ pryvatnaści, ale kali amierykancy chočuć, kab tut byŭ mir i stabilnaść, jany nieadkładna pavinny dałučycca da hetaha pracesu».
Apytanka
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary