Chto myje posud, a chto adpačyvaje: jak biełaruskija mužčyny i žančyny raźmiarkoŭvajuć svoj čas — cikavyja ličby

Biełstat apublikavaŭ padrabiaznyja dadzienyja daśledavańnia nakont taho, jak žychary krainy raźmiarkoŭvajuć svoj čas. U apytańni prymali ŭdzieł biełarusy, starejšyja za 10 hadoŭ. Jany fiksavali ŭ śpiecyjalny žurnał svoj hrafik dnia: u kolki pračnulisia, u kolki pajechali na pracu i hetak dalej.

Atrymanyja ličby šmat u čym nahadvajuć «siaredniuju tempieraturu pa balnicy». Naprykład, kali ź dźviuch žančyn pracuje tolki adna, atrymlivajecca, što kožnaja ź ich pracuje pa čatyry hadziny.

Pavialičyć

Tym nie mienš, niekatoryja cikavyja ličby dla analizu ŭ daśledavańni jość.

Raźmierkavańnie času ŭ mužčyn

Na son idzie 36,2% času (8 hadzin 41 chvilina). Tut i dalej heta siaredniaja ličba za ŭsie dni tydnia — u vychodnyja ŭdajecca paspać na hadzinu bolš, čym u budni.

Svabodny čas składaje kala 5 hadzin (21,3%), praca — kala 4 hadzin (16,7%). Narešcie, na viadzieńnie chatniaj haspadarki tracicca dźvie z pałovaj hadziny (9,5%).

Raźmierkavańnie času ŭ žančyn

U biełaruskich žančyn praporcyi istotna adroźnivajucca. Śpiać jany pryblizna stolki ž — 36,5% času.

Zatoje druhim pa papularnaści zaniatkam źjaŭlajecca nie praca, a chatniaja haspadarka. Hetym žančyny zajmajucca 19,2% času — bolš za čatyry z pałovaj hadziny. Tolki paśla iduć svabodny čas (17,8% času) i praca (11,6%).

Jak dzielicca chatniaja praca?

Nadzvyčaj pakazalna vyhladaje padzieł chatniaj pracy pa kankretnych zaniatkach.

Mužčyny «adduvajucca» za dvaich tolki padčas ramontu i dahladu aŭtamabila — ahułam 19 chvilin za dzień suprać 1 chviliny ŭ žančyn.

Top-7 kankretnych faktaŭ i tendencyj

1. Biełaruskija mužčyny pracujuć na paŭtary hadziny bolš, čym žančyny.
2. Svabodnaha času ŭ mužčyn na 50 chvilin bolš. Hetyja «dadatkovyja» chviliny traciacca pieradusim na prahlad filmaŭ ci telebačańnia.
3. U kampjutarnyja hulni mužčyny hulajuć utraja čaściej za žančyn.
4. U siamiejnych parach chatniaja praca dzielicca pamiž žonkaj i mužam u praporcyi 71/29.
5. Samyja zabiaśpiečanyja pracujuć udvaja bolš za małazabiaśpiečanych i śpiać na hadzinu mieniej.
6. Padzieł chatniaj pracy pamiž mužčynami i žančynami pačynajecca ź dziacinstva. Užo va ŭzroście 10-15 hadoŭ chłopčyki ŭdvaja radziej myjuć posud i prybirajucca ŭ domie.
7. U dziaciej adpačynak za kampjutaram i televizaram zajmaje adnolkavuju kolkaść času. U starejšych pakaleńniaŭ fiksujecca adnaznačnaja pieravaha televizara.

• 0
• 0
• 0
• 0
• 0
• 0
• 0
• 0