Što robić naša charčavańnie pravilnym?
Inakš pavyšajecca ryzyka zachvorvańniaŭ, źnižajecca pracazdolnaść i praciahłaść žyćcia.
My jadzim i dziela zadavalnieńnia taksama, adnak u charčavańnia ŭsio ž taki jość sapraŭdy važnyja funkcyi. U pieršuju čarhu, heta zabieśpiačeńnie arhanizma enierhijaj, pa-druhoje — białkami, minieralnymi rečyvami, tłuščami i vuhlavodami — budaŭničym materyjałam dla stvareńnia kletak. Ježa taksama zabiaśpiečvaje arhanizm bijałahična aktyŭnymi rečyvami, bieź jakich nie adbudziecca sintezu tych ža harmonaŭ. Narešcie, ježa dapamahaje vypracoŭcy imunitetu: było ŭstanoŭlena, što imunny adkaz na infiekcyju zaležyć ad jakaści charčavańnia, ad kolkaści kałoryj, paŭnacennych białkoŭ i vitaminaŭ, nahadvaje zahadčyca adździaleńnia ŭltrahukavoj dyjahnostyki 3-j haradskoj dziciačaj kliničnaj palikliniki Minska Zoja Vysockaja.
1. Umieranaść
Pierajadać nielha. Kolkaść ježy, jakaja pastupaje ŭ arhanizm i pieratvarajecca ŭ enierhiju, pavinna być roŭnaja enierhietyčnym zatratam.
2. Bałans charčovych rečyvaŭ
Štodnia my pavinny atrymlivać kala 70 roznych inhredyjentaŭ. Idealnyja suadnosiny białkoŭ, tłuščaŭ i vuhlavodaŭ 1:1:4. Dla ludziej ź siaredniaj fizičnaj nahruzkaj heta budzie 100 h białku, stolki ž tłušču i 400 h vuhlavodaŭ.
3. Raznastajnaść
Nie isnuje nivodnaha praduktu, zdolnaha zabiaśpiečyć nas usimi spažyŭnymi rečyvami. Tak što mieniu pavinna być raznastajnym. Treba, kab u racyjonie było šmat aharodniny, fruktaŭ i jahad, bahatych na antyaksidanty. Nieabchodna taksama ŭžyvać kisłamałočnyja pradukty, a voś cukru i desiertaŭ pavinna być mienš. Sačycie i za kolkaściu soli.
4. Režym
Prymać ježu varta ŭ adzin i toj ža čas. Na śniadanak — 30% ad sutačnaj kałaryjnaści, na abied — 40%, viačeru — 20%. Jašče 10% — pierakus. Charčavańnie radziej za 4 razy na dzień pryvodzić da nazapašvańnia tłušču, źmianšeńnia aktyŭnaści ščytapadobnaj załozy. Častaja ježa ŭ adzin i toj ža čas spryjaje lepšamu adtoku žoŭci, dobraj vypracoŭcy stravavalnych sokaŭ, prafiłaktycy zachvorvańniaŭ straŭnika i kišečnika.
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi1
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary