Adpaviedny ukaz № 211 «Ab udaskanaleńni paradku pradastaŭleńnia dziaržaŭnaj adrasnaj sacyjalnaj dapamohi» siońnia padpisaŭ Alaksandr Łukašenka, paviedamlaje pres-słužba kiraŭnika dziaržavy.
Dakumientam spraščajecca paradak zabieśpiačeńnia techničnymi srodkami sacyjalnaj reabilitacyi invalidaŭ III hrupy i dziaciej, jakija nie pryznanyja invalidami, ale majuć patrebu ŭ takich srodkach.
Pa atrymańnie nieabchodnych srodkaŭ reabilitacyi nazvanyja katehoryi hramadzian, hetak ža jak i ŭ ciapierašni čas invalidy I i II hrupy i dzieci-invalidy, buduć źviartacca niepasredna ŭ Biełaruski pratezna-artapiedyčny adnaŭlenčy centr.
Ukazam pradastaŭlajecca mahčymaść vykarystańnia sacyjalnaj dapamohi nie tolki dla kampiensacyi vydatkaŭ na nabyćcio padhuźnikaŭ, ale i na nabyćcio inšych nieabchodnych invalidam I hrupy i dzieciam-invalidam anałahičnych pradmietaŭ hihijeny.
Kamisii pa pryznačeńni dziaržaŭnaj adrasnaj sacyjalnaj dapamohi nadzialajucca pravam pryznačeńnia štomiesiačnaj sacyjalnaj dapamohi na pieryjad bolš za 6 miesiacaŭ (ale nie bolš za 12 miesiacaŭ) siemjam, jakija vychoŭvajuć dziaciej, u jakich abodva baćki abo adziny z baćkoŭ u niapoŭnaj siamji źjaŭlajucca invalidami I abo II hrupy, a taksama kali adzin z baćkoŭ u poŭnaj siamji źjaŭlajecca invalidam I hrupy, a druhi ažyćciaŭlaje dohlad za im.
U vypadku, kali jość padstavy mierkavać, što dziaržaŭnaja adrasnaja sacyjalnaja dapamoha moža być vykarystanaja nie pa pryznačeńni albo baćki nie ažyćciaŭlajuć naležny dohlad za dziećmi, ukazam zamacoŭvajecca mahčymaść jaje pieraličeńnia na rachunki arhanizacyj, jakija pradstaŭlajuć nieabchodnyja siamji pasłuhi (ramont žyłoha pamiaškańnia, piačnoha aciapleńnia, santechničnaha, hazavaha, elektryčnaha abstalavańnia, nabyćcio paliva i inšaje).
Dakumient nakiravany na pavyšeńnie ŭzroŭniu sacyjalnaj padtrymki nasielnictva i stvareńnie adzinaj sistemy zabieśpiačeńnia hramadzian techničnymi srodkami sacyjalnaj reabilitacyi.
Ukaz ustupaje ŭ siłu z 1 lipienia hetaha hoda.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam8
Kamientary