Natalla Kačanava pra abnoŭleny dekret №3 u Minsku: Vy pavinny adsačyć kožnaha čałavieka
Pra heta zajaviła kiraŭnik Administracyi prezidenta Natalla Kačanava siońnia na apieratyŭnaj naradzie ŭ Minharvykankamie, piša BiełTA.
«Pastaŭlena zadača da 1 kastryčnika pryniać abnoŭleny dekret №3. Akcent pieranosicca na miascovyja orhany ŭłady. Vy pavinny adsačyć kožnaha čałavieka, skłaści vyvieranyja śpisy — prapanujcie ludziam pracu, dapamahajcie im z pracaŭładkavańniem», - skazała Natalla Kačanava.
Minsku daviedziena zadańnie dasiahnuć u śniežni ŭzroŭniu siaredniaha zarobku 1385 rubloŭ. «Treba nie tolki vyjści ŭ śniežni na hety paramietr, ale i ŭtrymać jaho», - padkreśliła kiraŭnik Administracyi prezidenta.
Natalla Kačanava taksama źviarnuła ŭvahu na nieabchodnaść dašlifavać paradak u Minsku. «Što da terytoryj u centry stalicy, jak pakazaŭ abjezd, pytańniaŭ niama. Čaho nie skažaš pra dvarovyja terytoryi na ŭskrainach, — kanstatavała jana. - Usie pryjezdžyja ŭ Minsk adznačajuć, što horad pryhožy i čysty. Ale treba paradak dašlifavać - jość prablemnyja miescy»
Kamientary