Ejsmant: Lepsa i Baskava na navahodni pryjom Łukašenki pryvioz miljarder Huceryjeŭ
Na stary Novy hod Alaksandr Łukašenka pravioŭ pryjom, u jakim udzielničali Hryhoryj Leps, Nataša Karalova, Mikałaj Baskaŭ dy inšyja zorki biełaruskaj i rasijskaj estrady. Heta stała pradmietam abmierkavańnia, za čyj košt bankiet.
Pres-sakratar prezidenta Natalla Ejsmant raspaviała «Narodnaj Voli», što na mierapryjemstva pryjazdžaŭ rasijski biznesmien Michaił Huceryjeŭ. Pryjazdžaŭ nie adzin, a «razam sa svaimi siabrami — viadomymi artystami».
— Usich mocna cikaviać padrabiaznaści pryjomu na stary Novy hod, bajusia, rasčaruju — siensacyja, jak zvyčajna, akazałasia «razdźmutaj». Reč u tym, što ŭžo katory raz pa zaprašeńni našaha prezidenta na dadzienaje śviatočnaje mierapryjemstva pryjazdžaje rasijski biznesmien Michaił Safarbiekavič Huceryjeŭ. Nie adzin, a razam sa svaimi siabrami — viadomymi artystami. Heta i jość dosyć prostaje tłumačeńnie faktam, jakija tak doŭha i ŭparta abmiarkoŭvajuć u internecie i ŭ niekatorych hazietach. Nu, i dumaju, što niama nieabchodnaści nahadvać, što Michaił Safarbiekavič — paet-piesieńnik i mnohija pradstaŭniki rasijskaha šou-biznesu vykonvajuć tvory jaho aŭtarstva dy i ŭ cełym majuć dobryja siabroŭskija adnosiny. Nu a dalej tym, kaho ŭsio ž vielmi cikaviać ličby, mahu paraić patelefanavać Huceryjevu, i jon, kali paličyć patrebnym, daść kaštarys…
Kamientary