I buduć pradavacca pavodle staroj schiemy.
«Častka biletaŭ budzie pieradadziena ŭ Barysaŭ, častka pojdzie ŭ kasy. Astatnija buduć raspaŭsiudžvacca praz ABFF «Padarožža» pa bieznajaŭnym raźliku.Pavodle infarmacyi drukarni, bilety jašče nie hatovy. Pavodle papiarednich źviestak, jany buduć u prodažy z 17 listapada», — havorycca ŭ paviedamleńni.
***
6 listapada, paśla matču z sankt‑pieciarburhskim «Zienitam», na sajcie BATE źjaviłasia adozva kłuba da balelščykaŭ, u jakoj zaznačałasia, što fanataŭ rasijskaj kamandy na stadyjonie «było značna bolš, čym im było vydzielena biletaŭ i propuskaŭ zhodna ź mižkłubnym pahadnieńniem».
«U svoj čas pa rekamiendacyi futbolnaha kłuba BATE barysaŭskamu haradskomu stadyjonu było pradastaŭlena kala 9 tys. biletaŭ dla ich raspaŭsiudžvańnia ŭ Barysavie. My vielmi raźličvali, što jany trapiać u ruki prychilnikaŭ kamandy, jakija pa‑sapraŭdnamu padtrymajuć našych chłopcaŭ. Ale jakim ža było naša ździŭleńnie i jaki šok my źviedali, kali ŭ siektarach, bilety ŭ jakija pradavalisia ŭ Barysavie, lvinaja dola miescaŭ akazałasia zaniataja balelščykami «Zienita». Heta aznačaje, što značnaja častka zapavietnych kvitkoŭ jaŭna nie biez dapamohi niačystych na ruku barysaŭčan była pieranakiravana ŭ Sankt‑Pieciarburh, zamiest taho kab apynucca ŭ tych, chto sapraŭdy pieražyvaje za BATE», — havaryłasia ŭ adoźvie.
Anałahičnaja situacyja, kanstatavaŭ kłub, skłałasia i z zapaŭnieńniem łožaŭ. Propuski ŭ ich vydzialalisia kiraŭnictvam FK BATE sponsaram, partnioram, blizkim da kłuba ludziam. Adnak pradstaŭniki «Zienita» byli i tut. Pieradaču i prodaž zaprašalnych biletaŭ prychilnikam kamandy sapiernika kłub uspryniaŭ
jak «podły ŭdar u śpinu».
FK BATE zajaviŭ, što ŭ chutkim časie budzie vymušany «pryniać šerah mier, kab praduchilić uźniknieńnie takich situacyj u budučyni».
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA14
Kamientary