U Hrodnie čatyroch čałaviek adpravili ŭ kałoniju za toje, što ŭdaryli amapaŭku
U sudzie Leninskaha rajona Hrodna 30 sakavika zaviaršyŭsia praces pa kryminalnaj spravie pa art. 364 Kryminalnaha kodeksa, jaki doŭžyŭsia amal try miesiacy. Michaił Judzin, Vadzim Chižniakoŭ, Siarhiej Jefimovič (žychary Hrodna) i Andrej Sieviartoka (z Mastoŭ) byli pryznanyja vinavaty u hvałcie nad supracoŭnikami AMAPa na akcyi pratestu 27 vieraśnia, paviedamlaje spring96.org.
Sudździa Hienadź Mazajła vynies taki prysud, jak i zapytvaŭ dziaržabvinavaŭca na papiarednim pasiadžeńni:
— Michaił Judzin — 4 hady kałonii ahulnaha režymu;
— Michaił Jefimovič i Vadzim Chižniakoŭ — 2,5 hady kałonii ahulnaha režymu;
— Andrej Sieviartoka — 5,5 hadoŭ kałonii strohaha režymu.
Taksama asudžanyja musiać spłacić pa 2000 rubloŭ kampiensacyi na karyść pryznanych paciarpiełymi amapaŭcaŭ.
Usie čaćviora asudžanych svaju vinu ŭ ździajśnieńni hvałtoŭnych dziejańniaŭ nie pryznali i płanujuć abskardžvać prysud u Hrodzienskim abłasnym sudzie.
Zhodna z vystaŭlenymi abvinavačvańniami, na prypynku hramadskaha transpartu «Uschod» 27 vieraśnia Sieviartoka naŭmysna nanios supracoŭnicy AMAPa Zajac adzin udar kułakom u hałavu, adzin — nahoj pa pravaj nazie.
U hety čas Jefimovič naŭmysna kinuŭ u Zajac nieŭstalavany pradmiet, jaki trapiŭ u vobłaść hrudziej. Paśla čaho Judzin naŭmysna nanios amapaŭcu Baško adzin udar nahoj pa ciele, adzin — rukoj pa ruce, i dva — rukoj u vobłaść hałavy. Adnačasova z hetym Chižniakoŭ naŭmysna kinuŭ u Baško nieŭstalavany pradmiet, vykarystoŭvajučy jaho ŭ jakaści pryłady złačynstva.
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony3
Kamientary