Na 80-m plenarnym pasiadžeńni Kanfierencyi katalickich biskupaŭ u Biełarusi paśla abrańnia biskupa Aleha Butkieviča staršynioj Kanfierencyi byli vyznačany asnoŭnyja asablivaści sioletniaha Budsłaŭskaha festu, paviedamlaje catholic.by.
Uračystaści ŭ Nacyjanalnym sanktuaryi ŭ honar apiakunki Biełarusi projduć u piatnicu 2 lipienia i ŭ subotu 3 lipienia.
Uračystaści sioleta projduć u tradycyjnym farmacie, ale z zachavańniem naležnych sanitarnych pradpisańniaŭ i biez arhanizavanych pilihrymak. Tym nie mienš, usie achvotnyja mohuć ładzić pilihrymki ŭ indyvidualnym paradku. Tak było ŭžo ŭ minułym hodzie, kali ŭpieršyniu ŭ novaj historyi Budsłaŭskaha festu z-za składanaj epidemijałahičnaj situacyi u Nacyjanalny sanktuaryj nie išli vialikija arhanizavanyja hrupy pilihrymaŭ.
Pra toje, jakim čynam lepš pilihrymavać da Maci Božaj u čas pandemii, Catholic.by zapytaŭsia ŭ daśviedčanaha pilihryma i arhanizatara mnohich pilihrymak u Budsłaŭ — probašča budsłaŭskaj parafii Uniebaŭziaćcia Najśviaciejšaj Panny Maryi ksiandza Dźmitryja Dubovika.
«Viadoma, prablema nie ŭ tym, kab iści ŭ Budsłaŭ u piešaj pilihrymcy ci jechać na rovary. U ciapierašniaj situacyi hałoŭnaj ciažkaściu źjaŭlajecca arhanizacyja supolnaha charčavańnia i načlehaŭ padčas pilihrymak ź vialikaj kolkaściu ŭdzielnikaŭ.
Kab vyklučyć ci, prynamsi, źvieści da minimumu ryzyku zaražeńnia, pilihrymy mohuć iści ŭ Budsłaŭ pa adnym, siemjami ci nievialikimi hrupami. Charčavacca im daviadziecca indyvidualna, a načavać — u namiotach, jak padčas turystyčnaj vandroŭki. Toje samaje datyčycca pilihrymak na rovarach.
Napeŭna, u hetym pilihrymkavym siezonie trendam znoŭ stanuć indyvidualnyja pilihrymki paasobku ci ŭ składzie małych hrup, a taksama adnadzionnyja pilihrymki, nakštałt toj, jakuju štohod arhanizujuć siamiejnyja ruchi ź vioski Puzyry.Akramia taho, zaŭsiody aktualnaj zastajecca mahčymaść trapić na fest u Nacyjanalny sanktuaryj na transparcie», — padaŭ ksiondz Dźmitryj Dubovik idei, jakimi mohuć skarystacca tyja, chto pažadaje sioleta trapić na fest u Budsłaŭ.
Što Babaryka i Kaleśnikava adkazali na pytańni pra vajnu97
Kamientary