Hramadstva

U Miensku abmiarkujuć pytańnie acenki «Biełtranshazu»

Miensku abmiarkujuć pytańnie acenki «Biełtranshazu»Pradstaŭniki rasiejskaj kampanii planujuć abmierkavać ź biełaruskim uradam temu hazavych dačynieńniaŭ. Miarkujecca taksama ŭdzieł u pieramovach treciaha boku – pradstaŭnikoŭ niderlandzkaha banku ABN AMRO.

U Miensku abmiarkujuć pytańnie acenki «Biełtranshazu»Pradstaŭniki rasiejskaj kampanii planujuć abmierkavać ź biełaruskim uradam temu hazavych dačynieńniaŭ. Miarkujecca taksama ŭdzieł u pieramovach treciaha boku – pradstaŭnikoŭ niderlandzkaha banku ABN AMRO.

Pavodle biełaruskaha boku, u centry ŭvahi siońniašnich pieramovaŭ budzie tema «Biełtranshazu». Voś što patłumačyŭ «Svabodzie» aficyjny pradstaŭnik Ministerstva enerhietyki Biełarusi Andrej Žukaŭ.

(Žukaŭ) «Mietodyka acenki hazatranspartnaj systemy».

(Karespandent: ) «Ci viadomaja na hety kont biełaruskaja pazycyja?»

(Žukaŭ:) «Pazycyja adna: kab hodna acanić».

Spadar Žukaŭ paćvierdziŭ, što aproč tradycyjnych udzielnikaŭ pieramovaŭ – delehacyj «Hazpromu» j uradu Biełarusi – siońnia čakajecca ŭdzieł pradstaŭnikoŭ niderlandzkaha banku ABN AMRO. Hety bank miarkujecca vykarystać u jakaści niezaležnaha acenščyka biełaruskaha hazatranspartnaha pradpryjemstva.

Pytańnie acenki «Biełtranshazu» ŭźnikła bolš jak try hady tamu. Paśla padpisańnia Biełaruśsiu i Rasiejaj u 2002 hodzie pahadnieńnia ab stvareńni sumiesnaha pradpryjemstva na bazie «Biełtranshazu» ŭ bakoŭ vyjavilisia surjoznyja razychodžańni pa jaho košcie. Miensk davodziŭ, što jaho rynkavy košt składaje 5 miljardaŭ dalaraŭ. «Hazprom» aceńvaŭ biełaruskaje pradpryjemstva pa balansavym košcie – amal u dziesiać razoŭ tańniej. Sproby znajści niezaležnaha acenščyka taksama pravalilisia.

Hetyja razychodžańni «zamarozili» ideju stvareńnia sumiesnaha pradpryjemstva až da sioletniaha hodu. Reanimavała jaje inicyjatyva «Hazpromu» pieravieści z 2007 hodu hazavyja dačynieńni ź Biełaruśsiu na rynkavuju asnovu. Pavodle hetaj inicyjatyvy, planujecca rezka padvysić košt rasiejskaha paliva dla biełaruskich spažyŭcoŭ. Čakajecca, što novaja cana hazu vyraście ŭ čatyry razy i budzie na ŭzroŭni 200 dalaraŭ za adnu tysiaču kubametraŭ. Pieramovy ŭ Maskvie, jakija adbylisia ŭ červieni, paćvierdzili ćviordy namier rasiejcaŭ. Razam z tym «Hazprom» nazvaŭ i ŭmovy źmiakčeńnia svajoj pazycyi. Heta – nabyćcio va ŭłasnaść akcyj niekatorych biełaruskich pradpryjemstvaŭ. «Biełtranshaz» – adno ź pieršych u hetym šerahu.

Darečy, biełaruskija ŭłady nia tolki pahadzilisia viarnucca da planaŭ sumiesnaha z «Hazpromam» pradpryjemstva, ale, pavodle niekatorych krynicaŭ, i majuć namier sastupić rasiejcam u pytańni koštu «Biełtranshazu» – ź piaci da troch miljardaŭ dalaraŭ. Miarkujecca, što kančatkovy verdykt pavinien vynieści niderlandzki bank ABN AMRO. Adnak ci dapamoža hety pasiarednik urehulavać hazavyja supiarečnaści pamiž Maskvoj i Mienskam? Mnohija eksperty majuć sumnieŭ na hety kont. Mierkavańnie zahadčyka adździełu Biełarusi maskoŭskaha Instytutu krain SND Alaksandra Fadziejeva.

(Fadziejeŭ: ) «Mnie zdajecca, tut sumnieŭna. Biełaruś nibyta hatova vieści hetyja pieramovy, viadzie ich, ale ŭsio astatniaje pakryta tumanam i zmrokam. Kaliści było pahadnieńnie na ŭradavym uzroŭni pa «Biełtranshazu», ale jano nia vykanana. Kali heta hulnia, to jana niebiaśpiečnaja dla biełaruskaha boku».

Alaksandar Łukašenka 2 lipienia na ŭračystym schodzie, źviazanym sa śviatkavańniem Dnia niezaležnaści, zajaviŭ, što Biełaruś nia suprać padzialicca hetym pradpryjemstvam z «Hazpromam», adnak pradavać jaho «za biascenak» nie źbirajecca. «Treba płacić rynkavuju canu»,– zaznačyŭ Łukašenka.

Krychu raniej, u červieni, padčas sustrečy ŭ Miensku z hubernataram Ałtajskaha kraju Alaksandram Karlinym, Łukašenka kazaŭ, što biełaruski bok nia pojdzie na prodaž Rasiei «Biełtranshazu» pa balansavym košcie. Jon zajaviŭ, što pryniać takija ŭmovy možna tolki pry ŭmovie pradstaŭleńnia Maskvoju Biełarusi mahčymaści ŭdziełu ŭ raspracoŭcy radoviščaŭ vuhlevadarodnaj syraviny.

Radyjo Svaboda

Kamientary

Ciapier čytajuć

Vykładčycy vakału z Babrujska dali 14 hadoŭ u Rasii za seksualny hvałt nad dziaŭčynkami3

Vykładčycy vakału z Babrujska dali 14 hadoŭ u Rasii za seksualny hvałt nad dziaŭčynkami

Usie naviny →
Usie naviny

Zavadčanin z Homiela staŭ zorkaj tyktoku dziakujučy raspakoŭcy ssabojek, jakija jamu źbiraje na pracu žonka10

Minskija ŭłady ŭžo abmiarkoŭvajuć ideju Łukašenki zapuścić tramvai ŭ mietro14

Ludzi śpiašajucca pierabracca z Rasii ŭ Estoniju1

Vyjdzie praciah «Adzin doma» z Makalejem Kałkinym

Minčanie kupili pustujučuju chatu za 2300 rubloŭ i viartajuć jaje da žyćcia5

Čamu ŭsio novaje ciapier vyhladaje krychu vintažnym1

U Minsku pradajuć čarešni pa kaśmičnaj canie1

Vadzim Hałyhin: Ja krychu stamiŭsia ad humaru. Chočacca pasprabavać niešta inšaje8

U Mieksicy zatrymali adnaho z najbolš šukanych narkabaronaŭ — za infarmacyju pra jaho abiacali $5 młn

bolš čytanych navin
bolš łajkanych navin

Vykładčycy vakału z Babrujska dali 14 hadoŭ u Rasii za seksualny hvałt nad dziaŭčynkami3

Vykładčycy vakału z Babrujska dali 14 hadoŭ u Rasii za seksualny hvałt nad dziaŭčynkami

Hałoŭnaje
Usie naviny →

Zaŭvaha:

 

 

 

 

Zakryć Paviedamić