Kiprskija śpiecsłužby vyjavili sietku, jakaja sprabavała atrymać sakretnuju infarmacyju pra biaśpieku krainy i Jeŭrasajuza, a taksama technałohii, zabaronienyja da pieradačy Rasii. Dvuch supracoŭnikaŭ rasijskaha pasolstva zapadozryli ŭ pracy na raźviedku pad dypłamatyčnym prykryćciom i prymusili pakinuć vostraŭ, paviedamlajuć ANT1 i Politico sa spasyłkaj na krynicy.

Pavodle kiprskich čynoŭnikaŭ, jakija pahavaryli z Politico, padazravanyja kantaktavali z hramadzianami Kipra, jakija mieli dostup da kanfidencyjnych źviestak. Aproč infarmacyi pra biaśpieku, cikavili technałohii, pieradača jakich Rasii zabaronienaja sankcyjami ES.
Dypłamataŭ, pavodle krynic vydańnia, prymusili pakinuć Kipr na minułym tydni. Ich imiony i pasady nie nazyvajucca.
Adnak The Insider zaŭvažyŭ, što z aficyjnaha śpisu rasijskaj dypmisii źnikli dva ataše — Mikita Siarhiejeŭ i Alaksandr Šaŭcoŭ.
Pra Šaŭcova publičnaj infarmacyi mała. Siarhiejeŭ u mai 2022 hoda vystupaŭ pierad studentami MDIMA, jakija vyvučali hrečaskuju movu. Jon raskazvaŭ pra pieraddypłomnuju praktyku va ŭstanovach rasijskaha MZS za miažoj na prykładzie pasolstva na Kipry.
Kamientary