Mierkavańni11

Cyhankoŭ: Rost aŭtsajdarstva mužčyn, ich sychod u parnahrafiju i anłajn-hulni — novaja prablema čałaviectva

Žurnalist u svaim fejsbuku razvažaje pra staŭleńnie da mužčyn u sučasnym hramadstvie.

Vital Cyhankoŭ, fota Radyjo Racyja

Pamiatajecie, hod tamu ŭsie abmiarkoŭvali brytanski mini-sieryjał «Padletkavy ŭzrost» (Adolescence)? Tam hałoŭny hieroj, 13‑hadovy chłopčyk, jaki (mahčyma) zabiŭ dziaŭčynku, kazaŭ pra 20 i 80 pracentaŭ — maŭlaŭ, tolki 20 pracentaŭ samych krutych i pryvabnych mužčyn mohuć zasłužyć žanočuju ŭvahu.

Prablemka ŭ tym, što hetyja suadnosiny — praŭda. Prynamsi, u śfiery anłajn-znajomstvaŭ. U 2009 hodzie servis znajomstvaŭ OkCupid apublikavaŭ analiz acenak źniešnaści svaich karystalnikaŭ. Vynik byŭ vielmi pakazalny. Žančyny acanili kala 80% mužčyn jak mienš pryvabnych za siaredni ŭzrovień. «Pryhožymi» žančyny nazvali tolki 0,2 pracenty mužčyn. U svaju čarhu, mužčyny aceńvali žančyn značna bolš ščodra: prykładna pałova atrymała acenku vyšej za siaredniuju, a pałova — nižej.

Dalejšyja daśledavańni tolki paćviardžali hetuju zakanamiernaść. Ekanamisty Tobias Lehmann, Camille Terrier i Rafael Lalive daśledavali ŭ 2023 hodzie pavodziny karystalnikaŭ adnoj płatformy znajomstvaŭ.

I vyśvietlili, što mužčyny stavili łajki 53 pracentam žančyn, u toj čas jak žančyny — tolki 11 pracentam mužčyn. 

I heta tolki źniešnaść, nie samaje istotnaje. Jość jašče patrabavańni pa rostu, adukacyi, dachodach. Daśledavańnie vyjaviła, što žančyny nadavali dachodu mužčyny prykładna ŭdvaja bolšuju vahu, čym mužčyny — dachodu žančyny pry vybary partniora. Mnohija ŭžo iranizujuć z taho, što kali sabrać razam usie patrabavańni, jakija vyłučajuć da mužčynaŭ žančyny (asabliva maładyja) — to im adpaviadaje nie bolš za adnaho pracentu mužčyn.

Heta tolki adno adlustravańnie toj vialikaj prablemy, jakaja aktyŭna zaraz abmiarkoŭvajecca ŭ zachodnich sacyjalnych navukach, sacyjołahami, antrapołahami — rost aŭtsajdarstva mužčyn, ichnaja dehradacyja, sychod u anłajn-hulni i parnahrafiju, mužčynskuju adzinotu. Usio bolš mužčyny ličać, što hramadstva nastrojena suprać ich, što ichnyja prablemy nikoha nie cikaviać. Usio bolš mužčynaŭ pierakananyja, što im treba namahacca našmat bolej, čym raniej, kab dabicca pośpiechu ŭ žyćci, u tym liku asabistym.

«We have gone so far in promoting women's equality that we are discriminating against men». («My zajšli tak daloka ŭ prasoŭvańni roŭnaści žančyn, što ciapier dyskryminujem mužčyn»).

Heta farmuloŭka ź mižnarodnaha apytańnia Ipsos i Global Institute for Women's Leadership pry King's College London, praviedzienaha ŭ 30 krainach napiaredadni Mižnarodnaha žanočaha dnia ŭ 2025 hodzie. Z hetaj farmuloŭkaj pahadzilisia 51% mužčyn i 33% žančyn u Vialikaj Brytanii, i pryblizna takija ž pracenty ŭ inšych jeŭrapiejskich krainach.

Adkul hetaje ŭražańnie biarecca? Nu, naprykład, pačynajučy sa škoły. Daśledavańni va Francyi pakazali, što nastaŭniki zavyšali adznaki dziaŭčynkam. Kali nastaŭnikam davali ananimnyja pracy — jany stavili adny adznaki, kali davali pracy z paznačeńniem poła, to dziaŭčynkam stavilisia vyšejšyja adznaki — bo jany ž ruplivyja i dobra siabie pavodziać na ŭrokach, tamu nastaŭniki ich lubiać i zavyšajuć im adznaki.

U Narviehii (pieršaje miesca ŭ śviecie pa hiendarnaj roŭnaści) daśledčyki z Narviežskaha statystyčnaha ŭpraŭleńnia Erlinh Chołmioj i Birhier Strom padrychtavali dakład, ź jakoha vynikaje, što dziaržaŭnyja vydatki na žančyn u piać razoŭ pieravyšajuć vydatki na mužčyn. Viadoma, treba ŭličvać, što žančyny zajmajucca dohladam dziaciej i žyvuć daŭžej; adnak mužčyny taksama źjaŭlajucca baćkami, aktyŭna prymajuć udzieł u vychavańni dziaciej i chatniaj pracy (heta Narviehija, pieršaje miesca ŭ śviecie!), ale atrymlivajuć mienš padtrymki ŭ śfierach achovy zdaroŭja, sacyjalnaj dapamohi i hetak dalej. «U siarednim adzin mužčyna abychodzicca dziaržavie i municypalitetam u 3,1 miljona kron na praciahu ŭsiaho žyćcia, tady jak žančyny — u siarednim u 15,6 miljona kron».

U zachodnich krainach žančyny zaraz składajuć bolšaść tych, chto pastupaje na vyšejšuju adukacyju: u siarednim kala 54—56%, a ŭ asobnych krainach — bolš za 60%.

Jašče adno vialikaje jeŭrapiejskaje daśledavańnie prychodzić da nastupnaj vysnovy: «Ludzi ličać, što mužčyny, jakija adstajuć, zasłuhoŭvajuć mienšaj padtrymki, čym žančyny, jakija adstajuć, tamu što jany čaściej schilnyja mierkavać, što mužčyny adstajuć z-za niedachopu namahańniaŭ». To bok u biedach žančyn dy inšych katehoryj, asabliva roznych mienšaściaŭ — vinavatyja dziaržava i hramadstva. I tolki ŭ biedach mužčyn čamuści vinavatyja vyklučna sami mužčyny.

Karaciej, u śviecie adbyvajucca cikavyja i nieadnaznačnyja pracesy, jakija chaciełasia b fiksavać, abmiarkoŭvać, analizavać. A nie čuć hadami z kožnaha prasa adno i toje — patryjarchat, pryhniot, ekspłuatacyja, bu-bu-bu-bu.

Nu dyk, ź Mižnarodnym dniom mužčyn!

***

Post byŭ napisany ŭčora, kali byŭ Mižnarodny dzień mužčyn.

* * *

Teksty ŭ rubrycy «Mierkavańni» mohuć supadać, a mohuć i nie supadać z pazicyjaj Redakcyi.

Kamientary1

Ciapier čytajuć

«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić38

«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić

Usie naviny →
Usie naviny

Pucin nazvaŭ umovu ŭdziełu jeŭrapiejcaŭ u pieramovach pa Ukrainie7

Da 2035 hoda musulman stanie bolš, čym chryścijan. A centr chryścijanstva pieramieścicca ŭ Afryku12

«A što drennaha było ŭ Jałcie?» Pucina spytali pra «novuju Jałtu»6

Pucin paabiacaŭ Ukrainie «balučyja adkazy» na ŭdary pa Krymskim moście4

Sabalenka schadziła na matč NBA pamiž «Łejkiers» i «Džaz». «Łejkiers» prajhrali paśla dzieviaci pieramoh zapar2

Lavon Volski prezientavaŭ klip na pieśniu «Lekar ačuniaj» VIDEA1

Prync Hary zajaviŭ, što viarnuŭsia b u vojska, kab zmahacca z Rasijaj2

Premjer Aŭstralii padčas pasiadžeńnia z Pucinym zapatrabavaŭ ad jaho nieadkładna spynić «svaju vajnu»

Biełaruski dobraachvotnik debiutuje ŭ prafiesijnym boksie

bolš čytanych navin
bolš łajkanych navin

«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić38

«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić

Hałoŭnaje
Usie naviny →

Zaŭvaha:

 

 

 

 

Zakryć Paviedamić