U Kamianiackim rajonie mužčyna stvaryŭ bujnuju vytvorčaść marychuany
Supracoŭniki narkakantrolu Bresckaj vobłaści zatrymali 41‑hadovaha žychara adnoj ź viosak Kamianieckaha rajona, jaki vyroščvaŭ kanopli «ŭ pramysłovych maštabach».

Skrynšot ź videa
Pavodle źviestak milicyi, mužčyna pasadziŭ kanopli na poli niepadalok ad svajho ŭčastka. Padčas pieratrusu ŭ jahonym domie apieratyŭniki znajšli i kanfiskavali bolš za 24 kiłahramy marychuany.
Zatrymany pryznaŭsia, što spačatku praraściŭ nasieńnie kanoplaŭ doma, a zatym pierasadziŭ raśliny za miežy svaich uładańniaŭ. Jon śćviardžaŭ, što vyroščvaŭ narkotyki dla asabistaha ŭžyvańnia.
Śledčyja raspačali kryminalnuju spravu za niezakonnaje abaračeńnie narkotykaŭ.
Kamientary