Ukraincy atakavali hałoŭnaje ŭpraŭleńnie Rashvardyi pa Krasnadarskim krai
U noč na 22 listapada Uzbrojenyja siły Ukrainy atakavali Krasnadar. Pavodle źviestak vydańnia Astra, pad udar trapiŭ budynak hałoŭnaha ŭpraŭleńnia Rashvardyi pa Krasnadarskim krai na vulicy Čarkaskaj, 70. Raniej tam raźmiaščałasia 3702‑ia vajskovaja čaść.

Miascovyja ŭłady paćvierdzili ataku bieśpiłotnikaŭ. U horadzie ŭklučali sireny, a aeraport Krasnadara časova zakryvali dla pryjomu i adpraŭki samalotaŭ.

Ukrainski manitorynhavy kanał Supernova+ paviedamlaŭ, što cellu ataki moh być Afipski naftapierapracoŭčy zavod, mahutnaść jakoha składaje siem miljonaŭ ton nafty na hod. Jon uvachodzić u piaciorku najbujniejšych NPZ na poŭdni Rasii i vyrablaje bienzin, dyzielnaje paliva, avijacyjnuju hazu i inšyja naftapradukty. Pradpryjemstva aryjentavanaje vyklučna na ekspart. Adnak infarmacyja pra traplańnie bieśpiłotnikaŭ u zavod nie paćvierdžanaja.
Pavodle Ministerstva abarony Rasii, za noč rasijskaja supraćpavietranaja abarona źniščyła 170 bieśpiłotnikaŭ nad niekalkimi rehijonami krainy, a taksama nad anieksavanym Krymam. Akramia Krasnadarskaha kraju, ataki zaznali Branskaja, Biełharadskaja, Kurskaja, Varoniežskaja, Tulskaja i Rastoŭskaja vobłaści.
Kamientary