Hramadstva

Minčanie kupili pustujučuju chatu za 2300 rubloŭ i viartajuć jaje da žyćcia

U chacie nie było vady i elektryčnaści, ale zachavalisia atmaśfiera byłoj haspadyni: pieč, hrubka, žaleznyja łožki, karunki ručnoj raboty, ścieny, pafarbavanyja ŭ roznyja kolery.

Fota tut i dalej: archiŭ hierojaŭ

Minčanie Vital i Nastaśsia Michaluk kupili staruju chatu ŭ vioscy Franciškava Karelickaha rajona. U vioscy dzieviatnaccać damoŭ, voziera Śviciaź za piać kiłamietraŭ, a ŭ chatniaj piečy Naścia ciapier piače pirahi, apisvaje mlyn.by.

Čamu para vybrała viosku? U abaich heta druhi šlub, i ŭsio, što było nažyta raniej, zastałosia ŭ byłych siemjach. Ipateku im praličyli tak: 600 tysiač rubloŭ na 20 hadoŭ, bolš za 4000 rubloŭ u miesiac. Para paličyła, što praściej nabyć stary dom.

Dom jany znajšli na karcie pustujučych damoŭ. Spačatku jon kaštavaŭ adnu bazavuju vieličyniu, 45 rubloŭ. Za dzień da zakančeńnia prodažu źjaviŭsia jašče adzin achvotny jaho kupić, i dom vystavili na aŭkcyjon u sielsaviecie. Pa vynikach tarhoŭ jon abyšoŭsia kala 2300 rubloŭ. Jašče kala 400 pajšło na praviadzieńnie aŭkcyjona, i z darohaj vyjšła amal 3000 rubloŭ. Pradavaŭ dom sielsaviet.

Płošča chaty 60 m², učastak kala 25 sotak. Kaniok na dachu zhniŭ, u stoli była dzirka mietr na dva. Vady niama, tolki kałodziež na vulicy, elektryčnaść adklučanaja. Zatoje zachavalisia atmaśfiera byłoj haspadyni: pieč, hrubka, žaleznyja łožki, karunki ručnoj raboty, ścieny, pafarbavanyja ŭ roznyja kolery. Hetuju atmaśfieru para choča zachavać.

Hałoŭnaj prablemaj stali dakumienty. Ni na dom, ni na ziamlu dakumientaŭ nie było. Zamier učastka kaštavaŭ kala 400 rubloŭ, ale i praź niekalki miesiacaŭ papier na ziamlu ŭsio jašče niama. Bieź ich nielha pravieści elektryčnaść, tamu maładyja karystajucca hienierataram, soniečnymi panelami i aŭtamabilnym akumulataram z kanviertaram.

Na ramont za paŭhoda Vital i Nastaśsia vydatkavali kala 3000 rubloŭ: pakleili špalery, pafarbavali stol, vokny i dźviery, adramantavali komin. Dzirku ŭ stoli zakryli za 300 rubloŭ. Dom užo praktyčna žyły, jany niekalki razoŭ tam načavali. Kab davieści jaho da stanu «jak u babuli», treba jašče kala 5000 rubloŭ.

Adzin ź plusaŭ pakupki takoj chaty, na dumku Vitala, heta nizki paroh uvachodu: vydatki raściahvajucca ŭ časie, i možna abyścisia biez kredytu. U takoha doma mienšaja ryzyka sprečak sa spadčyńnikami, čym u zvyčajnaha staroha doma za, naprykład, 10 tysiač rubloŭ. Nu i radaść ad pracy ŭ svaim domie. Nastaśsia ŭžo piače ŭ piečy pirahi.

Para viadzie błoh pra svoj viaskovy dom. Pieršaje videa nabrała bolš za 1,5 młn prahladaŭ. U Instagram u ich bolš za 31 tysiaču padpisčykaŭ, u YouTube 24 tysiačy.

Vital kaža, što, niahledziačy na ŭsiu ciahaninu z dakumientami, jany ni razu nie paškadavali pra pakupku.

Kamientary

Ciapier čytajuć

Pamiatajecie biazdomnaha błohiera, jaki paśla pratestaŭ pierabraŭsia ŭ Polšču? Ciapier jon žyvie na Łazurnym bierazie22

Pamiatajecie biazdomnaha błohiera, jaki paśla pratestaŭ pierabraŭsia ŭ Polšču? Ciapier jon žyvie na Łazurnym bierazie

Usie naviny →
Usie naviny

Seks z efiektam prysutnaści. U amierykanskich 4DX kinateatrach źjaviŭsia novy trend5

Na puciepravodzie pamiž Kamiennaj Horkaj i Lebiadzinym u Minsku ŭžo ŭklučajuć padśvietku FOTAFAKT

U Minsku z aŭkcyjonu pradajuć kultavy amierykanski pikap. Jon u žachlivym stanie, ale kaštuje doraha1

12‑hadovaja dačka biznesmiena Zinhmana pieramahła ŭ rasijskim anałahu dziciačaha «Jeŭrabačańnia»24

U lesie na miažy Biełarusi z Łatvijaj źnik kienijec. Jaho šukajuć svajaki3

U Atłantyčnym akijanie imkliva razrastajecca hihancki pojas vodaraściaŭ1

Praviali losavańnie čverćfinałaŭ futbolnaj Lihi nacyj3

Tramp: Pucin skazaŭ mnie, što nie pajšoŭ by vajnoj na Ukrainu, kali b ja tady byŭ prezidentam18

Prosta źniać łaźniu ŭ ahrasiadzibie bolš nie vyjdzie. Dla ŭładalnikaŭ i haściej zapracavali novyja praviły6

bolš čytanych navin
bolš łajkanych navin

Pamiatajecie biazdomnaha błohiera, jaki paśla pratestaŭ pierabraŭsia ŭ Polšču? Ciapier jon žyvie na Łazurnym bierazie22

Pamiatajecie biazdomnaha błohiera, jaki paśla pratestaŭ pierabraŭsia ŭ Polšču? Ciapier jon žyvie na Łazurnym bierazie

Hałoŭnaje
Usie naviny →

Zaŭvaha:

 

 

 

 

Zakryć Paviedamić