Mierkavańni55

Sieviaryniec: Cichanoŭski pierajšoŭ čyrvonuju rysu. Nie hańbi mužčynaŭ i biełarusaŭ. Viartajsia

Pavieł Sieviaryniec u svaim dopisie ŭ telehram-kanale rezka prajšoŭsia pa Cichanoŭskim.

«Kali jon pačaŭ publična abvinavačvać i prynižać Śviatłanu, ad jaho adchisnułasia bolšaść biełarusaŭ. Sam strymlivaŭsia, bo adnosiny ŭ siamji reč skrajnie asabistaja. Strymlivaŭsia, bo viedaju Siarhieja, caniu toje, što jon zrabiŭ u 2020‑ym i jak adsiadzieŭ, i spadziavaŭsia, što kryŭdy minuć i jon vierniecca ŭ biełaruski ruch.

Pačaŭ vajavać ź biełaruskaj niezaležnaj presaj — Siaroha, navošta? Heta ludzi, jakija razam z nami zmahajucca za svabodu!

Ale, Siaroha, tvaje słovy pra biełaruskuju movu i abvinavačańnie Śviatłany ŭ tym, što jana havoryć pa-biełarusku, a nie pa-rusku — heta kraj. Heta dzič, druža. Heta čyrvonaja rysa. Kali biełarus, biełaruski palityk publična hrebuje biełaruskaj movaj i patrabuje pierachodzić na ruskuju — dla mianie jon pierachodzić u katehoryju skončanych vyludkaŭ.

Kali ty publična nie prabačyšsia za hetyja słovy — ličy, što ty straciŭ siabra. I pavahu. Vielmi mnohich biełarusaŭ. Prosta pierastanieš dla mianie isnavać.

«I začiem ona voobŝie tam po-biełorusski zahovoriła? Vsie vokruh po-russki hovoriat. …Eto žie nieuvažienije k vieduŝiemu strima i k biełorusam, kotoryje prišli. Nu, hovori po-russki. Nu, kakije problemy?»

Takija prablemy, Siaroha. Nas zabivajuć za toje, što my biełarusy. Nas stahodździami katavali i rasstrelvali za toje, što my razmaŭlajem na svajoj rodnaj movie, jakuju nam daŭ Boh.

Pieraprasi biełarusaŭ. Pierachodź na biełaruskuju movu. I prosta majo mierkavańnie: Śviatłanu ty pavinien nasić na rukach. Za toje, što jana vybrała ciabie. Za toje, što naradziła tvaich dziaciej. Za toje, što ŭ 2020‑ym pajšła za ciabie i za Biełaruś na śmiarotnuju ryzyku. Za toje, što zmahałasia za ciabie i čakała ciabie. Za toje, što zaraz maŭčyć i tryvaje, chacia mahła b adkazać.

Nie hańbi mužčynaŭ i biełarusaŭ. Viartajsia», — napisaŭ lidar BCHD.

Učora Siarhiej Cichanoŭski aburyŭsia biełaruskaj movaj Śviatłany Cichanoŭskaj padčas naviedvańnia Ńju-Jorka ŭ ramkach vizitu na Hienasambleju AAN u vieraśni 2025 hoda.

«Navošta jana naohuł tam pa-biełarusku zahavaryła? Usie vakoł pa-rusku havorać. Jana doma pa-rusku razmaŭlaje, dumaje pa-rusku. Ja taksama havaru pa-rusku. Heta ž niepavaha da viadučaha stryma i da biełarusaŭ, jakija pryjšli. Nu, havary pa-rusku. Nu, jakija prablemy?»

Pavodle Cichanoŭskaha, na inšych efirach Śviatłana razmaŭlaje pa-rusku, a ź im — nie. «Chodziš ty na svaje efiry, tam, dzie ty pa-biełarusku razmaŭlaješ, — kali łaska… A da muža svajho, jaki havoryć pa-rusku, — heta była niepavaha, absalutnaja niepavaha», — skazaŭ jon.

Kamientary5

  • Amiń
    20.11.2026
    Z takimi "siabrami" i vorahaŭ nia treba. Kab takoje kazać hieroju revalucyi, treba spačatku zajmieć subjektnaść i ŭłasny suvierenitet: dzie ty pracavaŭ choć kaliści i za što ty žyvieš, Paša?
  • Bieły
    20.11.2026
    Paša, u kropku.
  • Bahdan
    20.11.2026
    Pavał, dziakuj. Vielmi hodny adkaz.

    Cichanoŭski, kali zaraz nie raźvierniecca na 180 hradusaŭ, pieraŭtvorycca ŭ Pratasieviča.

Ciapier čytajuć

19‑hadovy bieraściejec Andrej likvidavany pad Kurdziumaŭkaj8

19‑hadovy bieraściejec Andrej likvidavany pad Kurdziumaŭkaj

Usie naviny →
Usie naviny

«A piataj ranicy spać užo niemahčyma». Minčuk paskardziŭsia ŭ Minharvykankam na sabačy brech

Z-pad Pinska na Vałyń siońnia zalacieŭ pavietrany zond. Ukraina ličyć heta naŭmysnaj apieracyjaj1

U Haazie pryznali Mjanmu vinavataj u hienacydzie naroda rachindža1

«Bliščyć jak Swarovski». Biełaruski palujuć na tannyja branzalety z carkoŭnych kram3

Biełaruś pierapłočvaje za tranzit kaliju praz Rasiju sotni miljonaŭ dalaraŭ23

Iłan Mask: Treba spačuvać nie tolki ŭkraincam, ale i rasijanam34

Banki źmiakčajuć patrabavańni da hieałakacyi dla pracy mabilnych prahram1

Čyhunačnaja arka Krymskaha mosta atrymała paškodžańni1

Luxvisage vypuściŭ šykoŭny advent-kalandar u vyhladzie ciahnika. Jaho znoŭ niemahčyma nabyć u Biełarusi7

bolš čytanych navin
bolš łajkanych navin

19‑hadovy bieraściejec Andrej likvidavany pad Kurdziumaŭkaj8

19‑hadovy bieraściejec Andrej likvidavany pad Kurdziumaŭkaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić