Zdareńni11

Vykładčycy vakału z Babrujska dali 14 hadoŭ u Rasii za seksualny hvałt nad dziaŭčynkami

Vykładčycy muzyki Kaciarynie Kirsanavaj, jakaja seksualna razbeščvała 12‑hadovuju vučanicu ŭ Maskvie, da 13 hod źniavoleńnia dadali jašče hod — u spravie źjaviłasia novaja niepaŭnaletniaja achviara seksualnaha hvałtu. Žančyna skončyła BDPU imia Maksima Tanka i raniej pracavała ź dziećmi ŭ minskaj studyi «Reviu».

Kaciaryna Kirsanava na zdymkach sieryjała «Kupryn. Jama». Krynica: Kaciaryna Kirsanava / Vk.com

U Rasii Kirsanava vykładała kala dziesiaci hadoŭ, u tym liku ŭ maskoŭskich centrach «ZIŁ» i «Arbita», a taksama zdymałasia ŭ sieryjałach.

Kalehi źviarnuli ŭvahu na jaje zanadta blizkija adnosiny z vučanicami i raskazali pra heta žurnalistam. 

— Adnosiny z vučanicami ŭ jaje byli zanadta blizkimi, mnohija zaŭvažali, što Kirsanava praźmierna taktylnaja ź dziaŭčynkami, — pieradaje Baza słovy adnoj z vykładčyc kulturnaha centra «ZIŁ».

Kryminalnuju spravu suprać vykładčycy raspačali ŭ 2024 hodzie paśla žurnalisckaha rasśledavańnia. Jaje abvinavacili pavodle artykuła ab hvałtoŭnych dziejańniach sieksualnaha charaktaru ŭ dačynieńni da dziaciej, maładziejšych za 14 hadoŭ.

Pavodle Śledčaha kamiteta Rasii, u 2019 hodzie vykładčyca rehularna zaprašała da siabie dadomu 12‑hadovuju vučanicu, a taksama adpraŭlała joj svaje intymnyja fatahrafii.

Kiraŭnica ruchu «Sdaj piedofiła» Hanna Leŭčanka raskazała, što jaje ruch źbiraŭ materyjały pra vykładčycu sa śniežnia 2023 hoda paśla zvarotu adnoj z byłych kaleh Kirsanavaj. Aktyvistka śćviardžała, što damahčysia pakazańniaŭ suprać Kirsanavaj było składana: baćki niekatorych dziaŭčat nie chacieli, kab palicyja razmaŭlała ź ich dočkami, bo bajalisia viartacca da pieražytaha.

«Dačka majoj znajomaj pryznałasia mamie va ŭsim hetym, tolki kali vyrasła i źjechała vučycca za miažu. A mnohija, vielmi mnohija maŭčać dahetul. Usie kazali, što jana talenavity piedahoh i cudoŭny čałaviek», — raskazvała Leŭčanka ŭ 2024 hodzie.

Kirsanavu zatrymali 3 kastryčnika 2024 hoda, nieŭzabavie paśla vychadu rasśledavańnia Baza. Jana ŭžo mieła kvitki na samalot i źbirałasia źjechać z Rasii.

U śniežni 2025 hoda vykładčycy pryznačyli 13 hadoŭ kałonii. Ciapier termin pavialičyli z 13 da 14 hadoŭ paviedamiła MSK1.RU Hanna Leŭčanka. Pavodle jaje, novaja paciarpiełaja, jakaja pierajechała ŭ Sierbiju, śpiecyjalna pryjazdžała ŭ Rasiju dla dačy pakazańniaŭ.

«Termin pavialičyli, tamu što byŭ asobny sud pa inšaj dziaŭčyncy, jakuju jana taksama razbeščvała», — raskazała Leŭčanka.

Kirsanava naradziłasia ŭ Babrujsku. Jak pisała «Lusterka», u 2023 hodzie jana mieła biełaruski pašpart i maskoŭski adras.

U jaje profili va «UKantakcie» było paznačana, što ŭ 2005 hodzie jana skončyła BDPU imia Maksima Tanka. Vučyłasia pa śpiecyjalnaści «muzyčny piedahoh». Pavodle BELPOL, u 2013 hodzie Kirsanava taksama pracavała piedahoham u hetym univiersitecie.

U pačatku 2000‑ch jana vykładała ŭ minskaj dziciačaj studyi «Reviu». Žurnalisty znajšli jaje na zdymkach z pajezdak studyi, apublikavanych u 2011 hodzie.

Kaciaryna Kirsanava razam z byłymi vučniami, jak miarkujecca, ź mienskaj studyi «Reviu». Fota: vk.com

Piać byłych vučanic «Reviu», ź jakimi pahavaryła Baza, admaŭlali, što ŭ dziaŭčat u kalektyvie byli intymnyja adnosiny z Kirsanavaj. Dyrektarka studyi Natalla Ramanava admoviłasia abmiarkoŭvać hetuju temu z žurnalistami.

Kamientary1

  • kronan
    22.11.2026
    I jak jaje ciapier nazyvać: hvałtaŭninia, hvałtaŭnińka, hvałtesa ci hvałtunia?

Ciapier čytajuć

Vykładčycy vakału z Babrujska dali 14 hadoŭ u Rasii za seksualny hvałt nad dziaŭčynkami1

Vykładčycy vakału z Babrujska dali 14 hadoŭ u Rasii za seksualny hvałt nad dziaŭčynkami

Usie naviny →
Usie naviny

Zavadčanin z Homiela staŭ zorkaj tyktoku dziakujučy raspakoŭcy ssabojek, jakija jamu źbiraje na pracu žonka9

Minskija ŭłady ŭžo abmiarkoŭvajuć ideju Łukašenki zapuścić tramvai ŭ mietro14

Ludzi śpiašajucca pierabracca z Rasii ŭ Estoniju1

Vyjdzie praciah «Adzin doma» z Makalejem Kałkinym

Minčanie kupili pustujučuju chatu za 2300 rubloŭ i viartajuć jaje da žyćcia5

Čamu ŭsio novaje ciapier vyhladaje krychu vintažnym1

U Minsku pradajuć čarešni pa kaśmičnaj canie1

Vadzim Hałyhin: Ja krychu stamiŭsia ad humaru. Chočacca pasprabavać niešta inšaje8

U Mieksicy zatrymali adnaho z najbolš šukanych narkabaronaŭ — za infarmacyju pra jaho abiacali $5 młn

bolš čytanych navin
bolš łajkanych navin

Vykładčycy vakału z Babrujska dali 14 hadoŭ u Rasii za seksualny hvałt nad dziaŭčynkami1

Vykładčycy vakału z Babrujska dali 14 hadoŭ u Rasii za seksualny hvałt nad dziaŭčynkami

Hałoŭnaje
Usie naviny →

Zaŭvaha:

 

 

 

 

Zakryć Paviedamić