Biełarusu ŭ Francyi sud dazvoliŭ nie płacić alimienty na dačku — bo ŭ jaho niama hrošaj
Sud u Vałanśjenie raźvioŭ paru biełarusaŭ. Piatnaccacihadovaja dačka zastajecca z maci, a baćku vyzvalili ad alimientaŭ «da palapšeńnia finansavaha stanovišča».

Sudździa pa siamiejnych spravach trybunała Vałanśjena na poŭnačy Francyi 10 listapada 2026 hoda vyniesła rašeńnie ŭ spravie pra skasavańnie šlubu dvuch hramadzian Biełarusi.
Pavodle sudovaj pastanovy, žančyna naradziłasia ŭ 1977 hodzie, mužčyna ŭ 1974-m. Šlub jany zarehistravali ŭ 2009 hodzie ŭ Biełarusi, praz dva hady naradziłasia dačka.
U vieraśni 2025 hoda padała na razvod. Paru ŭrešcie raźviali, ale ŭmovy ździŭlajuć.
Baćkoŭskija pravy na dačku baki ažyćciaŭlajuć razam. Žyć dziaŭčyna budzie z maci, a baćka moža bačycca ź joj i brać da siabie pavodle damoŭlenaści z byłoj žonkaj.
Žančyna prasiła pryznačyć alimienty na ŭtrymańnie dački, ale sud u hetym joj admoviŭ. Sudździa kanstatavała «stan niepłaciežazdolnaści» mužčyny i vyzvaliła jaho ad vypłat «da viartańnia da lepšaha finansavaha stanovišča».
Jaho tolki abaviazali dvojčy na hod paviedamlać žoncy, ci znajšoŭ pracu.
Kamientary