Na froncie znajšli zahinułym 25‑hadovaha biełarusa z pazyŭnym «Dekan»
Siamja stała šukać Vitala Drabyšeŭskaha jašče ŭ lipieni 2025 hoda, kali jon pierastaŭ vychodzić na suviaź. Jak akazałasia, chłopiec pajšoŭ na front. 5 vieraśnia 2025 hoda Drabyšeŭski pajšoŭ na apošniaje bajavoje zadańnie. Z taho času maci šukała nie jaho, a chacia b cieła.

25‑hadovy hamialčuk Vital Drabyšeŭski letaś uziaŭ pazyŭny «Dekan» i pajechaŭ vajavać na baku Rasii suprać Ukrainy.
U žniŭni 2025 hoda pošukava-vyratavalny atrad «Simuran» publikavaŭ abviestku, što chłopca šukaje Čyhunačny RAUS Homiela. Paviedamlałasia, što chłopiec pierastaŭ vychodzić na suviaź z 28 lipienia 2025 hoda, znachodziačysia ŭ Rasii.

Maci Drabyšeŭskaha paźniej šukała infarmacyju pra jaho pa śpiecyjalizavanych telehram-čatach. Jana pisała, što jon byŭ u vajskovaj čaści №46317, słužyŭ u 7‑j rocie 3‑ha motastrałkovaha bataljona 242‑ha pałka. A 5 vieraśnia 2025 hoda pajšoŭ na apošniaje bajavoje zadańnie i źnik bieź viestak.
Apošnim viadomym jaho miescaznachodžańnia nazyvaŭsia — Rusin Jar (Kanstancinaŭski rajon «DNR»).
Ciapier pošukavy atrad paviedamiŭ, što Drabyšeŭskaha znajšli zahinułym.
Kamientary