Łukašenka: Z technałohijami ŭ Biełaruś ekspartujucca idei, pahibielnyja dla našaha duchoŭnaha raźvićcia
Z technałohijami ŭ Biełaruś ekspartujucca idei, pahibielnyja dla našaha duchoŭnaha raźvićcia. Pra heta raspavioŭ navukoŭcam Alaksandr Łukašenka 1 krasavika padčas uručeńnia premij Sajuznaj dziaržavy ŭ halinie navuki i techniki.
Alaksandr Łukašenka adznačyŭ, što na ideałahičnym froncie navukoŭcy — «hałoŭnyja bajcy».
«Bo idei, nie ŭłaścivyja našamu słavianskamu mientalitetu, a časam pahibielnyja dla našaha duchoŭnaha raźvićcia, ekspartujucca da nas zvonku pierš za ŭsio z technałohijami. Tamu vy, daśledčyki i raspracoŭščyki, pavinny być choć by na krok napieradzie. Pavinny być u avanhardzie raźvićcia našych krain», — skazaŭ jon.
Jon taksama paraiŭ navukoŭcam nie płakacca nakont sankcyj, bo heta «čas mahčymaściaŭ».
«Dla navukoŭcaŭ — heta vielizarny krok, vy budziecie zapatrabavanyja jak nikoli. Nijakija palityki, nijakaja ekanomika biez vas, biez novych praryŭnych, inavacyjnych technałohij ničoha zrabić nie zmohuć. Dakładna tak i ŭ inšych śfierach», — skazaŭ Łukašenka.
Pry hetym sychod zachodnich kampanij ź Biełarusi jon nazvaŭ šancam dla raźvićcia ŭnutranaha rynku i ŭłasnych technałohij.
«My budziem pavialičvać sajuznyja prajekty, ale budziem ich pryziamlać. Fundamientalnaja navuka zaŭsiody była važnaja, ale prykładnaja nam ciapier vielmi nieabchodnaja», — adznačyŭ Łukašenka.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ131
Kamientary