Zialenski Radzie Biaśpieki AAN: Treba paśla vajny abmiarkoŭvać reformu suśvietnaha paradku
Prezident Ukrainy Uładzimir Zialenski, vystupajučy siońnia ŭ Radzie Biaśpieki AAN, prapanavaŭ pravieści mižnarodnuju kanfierencyju ŭ Kijevie pa refarmavańni mižnarodnaha prava i mižnarodnaha paradku.
Zialenski adznačyŭ u svaim vystupleńni:
«Ale hałoŭnaje, što siońnia samy čas transfarmavać sistemu, stryžniem jakoj źjaŭlajecca AAN. Kab heta zrabić, prapanujem sklikać hłabalnuju kanfierencyju. I my prosim zrabić heta ŭžo ŭ mirnym Kijevie, dla taho, kab vyznačycca».
«Ciapier całkam vidavočna, što mety, jakija zakładalisia ŭ San-Francyska ŭ 1945 hodzie pry stvareńni hłabalnaj mižnarodnaj arhanizacyi biaśpieki, — nie dasiahnutyja. I dasiahnuć ich biez reformaŭ niemahčyma», — adznačyŭ Zialenski.
Pa słovach Zialenskaha, Rada Biaśpieki AAN pavinna pryniać rašeńni, jakija pryviaduć da miru va Ukrainie. Kali arhanizacyja nie moža hetaha zrabić, to joj varta «adchilić Rasiju» ad udziełu ŭ Radzie Biaśpieki. Bo Maskva błakuje rašeńni, źviazanyja ź jaje dziejańniami.
«Ci pakazać, jak vy možacie pierafarmatavać. Abo kali vaš ciapierašni farmat biezalternatyŭny i vychadu niama, to dalej tolki samarospusk», — skazaŭ ukrainski prezident.
Kamientary