Ukrainskaja fatohrafka vykłała na fotastok kadr ź dziećmi ŭ vyšyvankach. I jon źjaviŭsia na biłbordach u padtrymku anieksii Chiersona
U mai fatohrafka Hanna Pasičnik zrabiła fotasiesiju z synam i jahonaj siabroŭkaj — dzieci ŭ vyšyvankach stajali ŭ rapsavym poli. «Z Ukrainaj u sercy! Dziakuj USU! Słava Ukrainie!» — tady napisała žančyna, ale paśla ŭ fotasiesii zdaryŭsia niečakany praciah, piša BBC.
Pasičnik — prafiesijnaja fatohrafka, jana zarablaje ŭ tym liku na prodažy svaich vyjaŭ na fotastokach i fotabankach, dzie ich nabyć moža chto zaŭhodna. Tuju fotasiesiju ź dziećmi jana taksama vykłała z podpisam «Dzieci prosiać padtrymki dla Ukrainy».
U vyniku kadry byli vykarystanyja dla biłbordaŭ u akupavanym Chiersonie.
«Rasija tut nazaŭždy!», «Chierson — navieki z Rasijaj», «Chierson — ruski horad», — na rekłamie z takimi słohanami apynulisia ŭkrainskija dzieci. Im za śpiny pryfotašopili rasijski ściah, a raps zamianili na kvietkavy łuh.
Toje, što jaje fatahrafii vykarystoŭvajucca na prapahandysckim biłbordzie, Hanna daviedałasia z čata fatohrafaŭ: «Pačućci byli vielmi drennyja. Ja rydała, ja naohuł nie viedaju, što mianie spyniła, — naohuł chacieła vydalicca z hetych stokaŭ. Bolš naohuł ničoha ahulnaha nie mieć. A potym padumała: a jak ža ja vydalu, a potym treba budzie dakazvać, što heta maje fotazdymki».
«Jany nie razumiejuć, što jany na śviatoje pakvapilisia. Pa-pieršaje, heta dzieci našy, za jakich my vajujem, heta budučynia naša. A druhoje — heta vyšyvanka, — kaža Hanna. — U ich ža niama takoha, heta tolki ŭ nas vyšyvanka — heta prosta da murašak, heta naš hienietyčny kod. Ty apranaješ jaje i pačuvaješsia samaj pryhožaj».
Za prodaž fatahrafij Pasičnik, jak jana śćviardžaje, atrymała 20 centaŭ, i, kali b jana viedała, što fatahrafija budzie nabytaja Rasijaj, jana b nie pradała jaje ni za jakija hrošy.
Usiaho ŭ padobnym styli byli vykananyja try biłbordy, na dvuch ź jakich Hanna znajšła svaje fatahrafii. Biłbordy z toj ža sieryi žurnalisty znajšli i ŭ Novaj Kachoŭcy.
Paśla žančyna apublikavała videa z tymi ž dziećmi, kab kančatkova abvierhnuć prapahandyscki biłbord.
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi1
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary