Vychodzić zbornik vybranych tvoraŭ unijackaha śviatara Lva Haroški
Lavon Jurevič i Natalla Hardzijenka ŭkłali tom «Vybranaje», u jaki ŭvajšli ŭspaminy, pracy ab relihijnaj historyi Biełarusi dy refleksija pra biełaruskuju emihracyju ajca Lva Haroški, a taksama teksty pra aŭtara, paviedamlaje Bellit.info.
Kniha vychodzić u miežach sieryi «Spadčyna: ahledziny», zasnavanaj Zhurtavańniem biełarusaŭ śvietu «Baćkaŭščyna» i Biełaruskim instytutam navuki i mastactva pry spryjańni internet-biblijateki Kamunikat.
Hreka-katalicki śviatar Leŭ Haroška (1911—1977) šmat zajmaŭsia vyvučeńniem historyi chryścijanstva ŭ Biełarusi i asabliva minułaha dy sučasnaha jamu stanu Unijackaj carkvy, analizavaŭ padziei ŭ asiarodździ biełaruskaj emihracyi paśla Druhoj suśvietnaj vajny.
Siońnia, kali adnavilisia hanieńni na Katalickuju i Unijackuju cerkvy ŭ Biełarusi (zrešty, jak i na ŭsich praŭdzivych chryścijan), a značnaja častka biełarusaŭ iznoŭ vymušanaja žyć u zamiežžy, napisanaje ajcom Lvom u 1940-ja — 1950-ja hady nabyvaje asablivuju aktualnaść.
Kamientary