Dźvie traciny dziaržSMI Homielščyny pracujuć biez zvarotnaj suviazi z čytačami
U pačatku žniŭnia ŭ miesiendžary Telegram adbyłosia čarhovaje abnaŭleńnie, u vyniku jakoha stała adlustroŭvacca kolkaść zvarotaŭ da čat-botaŭ za apošni miesiac. Vydańnie «Fłahštok» skarystałasia z hetaha i padličyła kolkaść zvarotaŭ u dziaržaŭnyja ŚMI Homielskaj vobłaści.
U kancy 2023 — pačatku 2024 hoda ŭsie drukavanyja vydańni miascovych orhanaŭ ułady Homielskaj vobłaści sinchronna zaviali čat-boty ŭ Telegram. Pavodle zadumki, novy kanał suviazi musiŭ dać mahčymaść miascovym žycharam padzialicca svajoj navinoj i vystupić z prapanovaj temy dla publikacyi.
Čat-boty pa sutnaści stali adzinaj formaj zvarotnaj suviazi z čytačami, pakolki kamientary ŭ asnoŭnych telehram-kanałach dziaržaŭnych ŚMI, jak praviła, adklučanyja. «Fłahštok» vyrašyŭ vyśvietlić, jak časta žychary źviartajucca ŭ redakcyi dziaržvydańniaŭ praz čat-boty.
Praviedzieny manitorynh pakazaŭ nastupnyja vyniki.
Z 24 telehram-botaŭ dziaržaŭnych ŚMI Homielskaj vobłaści zvaroty hramadzian u redakcyju za apošni miesiac zafiksavanyja tolki ŭ 7 (30%).
Najbolš aktyŭna źviartajucca ŭ redakcyju miascovaj haziety i internet-partała žychary Rečycy. Statystyka zafiksavała ŭ siarednim bolš za 6 zvarotaŭ u dzień. Aktyŭnaja kamunikacyja z redakcyjami miascovych dziaržvydańniaŭ adznačanaja taksama ŭ Žłobinie i Kalinkavičach. Mahčymaj pryčynaj lidarstva mienavita hetych vydańniaŭ pa kolkaści zvarotaŭ karystalnikaŭ mohuć być nastupstvy ŭrahanu, jaki praniośsia nad terytoryj vobłaści 14 lipienia 2024 hoda.
Pra heta ŭskosna śviedčyć adsutnaść zvarotnaj suviazi z čytačami ŭ najbujniejšaha rehijanalnaha ŚMI Homielskaj vobłaści — «Homielskaj praŭdy».
Poŭnaja adsutnaść zvarotnaj suviazi źjaŭlajecca ŭ rehijonach raspaŭsiudžanaj źjavaj. U 16-ci rajonach Homielskaj vobłaści za apošni miesiac mahčymaściu źviarnucca ŭ redakcyju praz Telegram nichto nie karystaŭsia. Siarod ich — i Śvietłahorski rajon, dzie žyvie bolš za 75 tysiač čałaviek.
Adsutnaść zvarotaŭ u redakcyju moža słužyć indykataram staŭleńnia miascovych žycharoŭ da infarmacyjnaj palityki vydańniaŭ, kali realnyja prablemy rehijonu zamoŭčvajucca.
Prykładam źjaŭlajecca zakryćcio čataŭ u Viber i Telegram sieryi «Dyjałoh z uładaj». Kali raniej z dapamohaj ich miascovyja žychary mahli publična zajavić ab prablemach, to ciapier miascovyja ŭłady addajuć pieravahu ich chavać. Vidavočna, što pry takoj palitycy prablemam nie znachodzicca miesca i ŭ rajvykankamaŭskich ŚMI, tamu ludzi nie bačać sensu tudy i źviartacca.
Ułady Homielskaj vobłaści zakryli čaty ŭ miesiendžarach dla skarhaŭ nasielnictva, jakija sami i adkryvali
Na pryśviečany Łukašenku «cytatačelendž» u Rahačoŭskim rajonie prysłali adzinuju zajaŭku FOTAFAKT
U Mazyry vyraklisia ŭkrainskich nazvaŭ katlet. Byli «Kijeŭskija», stali «Smačnyja z maślicam»
Hamialčuk prakaciŭsia ź dziaržściaham, kab padniać patryjatyzm. U vyniku zastaŭsia biez BMW i abvinavaciŭ va ŭsim Polšču
Kamientary
Možacie pachvalicca, što Čytač vas ŭtrymlivaje? Nie prysypka na torcie, a muka i cukar?