Pra padrabiaznaści kampanii Sańnikaŭ jašče nie paviedamlaje, ale nie vyklučaje, što bližejšym časam moža być sklikanaja admysłovaja pres‑kanfierencyja.
Kaardynatar «Chartyi‑97» Andrej Sańnikaŭ u hutarcy z karespandentam «Našaj Nivy» paćvierdziŭ infarmacyju, što jon źbirajecca ŭdzielničać u prezidenckich vybarach.
Upieršyniu heta Sańnikaŭ ahučyŭ 6 sakavika ŭ Vilni padčas zapisu na telekanale «Biełsat» pieradačy «Forum».
«Havorka na pieradačy zajšła pra suvierenitet, pra jaho abaronu. Ja skazaŭ, što pavinien być čałaviek, jaki zdolny ŭziać na siabie adkaznaść za los krainy.
Ja skazaŭ, što budu ŭdzielničać u prezidenckich vybarach. Efir na telekanale «Biełsat» padaŭsia mnie zručnym miescam dla abviaščeńnia takoha rašeńnia», — kaža A.Sańnikaŭ.
Pra padrabiaznaści kampanii Sańnikaŭ jašče nie paviedamlaje, ale nie vyklučaje, što bližejšym časam moža być sklikanaja admysłovaja pres‑kanfierencyja, dzie budzie zajaŭlena ab pačatku kampanii.
«Jość ludzi, jakija mianie padtrymlivajuć, ale ja pakul nie mahu nazyvać ichnija imiony, kab u ich nie było prablem», — havoryć palityk.
Raniej ab udziele ŭ prezidenckaj kampanii zajaviŭ Aleś Michalevič. Vybary pavinny adbycca ŭ pačatku nastupnaha hoda.
Ciapier čytajuć
U Varšavie siońnia raźvitvajucca z Alaksandram Milinkievičam FOTAREPARTAŽ1
U Varšavie siońnia raźvitvajucca z Alaksandram Milinkievičam FOTAREPARTAŽ
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary