Abvieščany terminy pačatku restaŭracyi młyna ŭ Łošyckim parku i byłoj Vaładarki
Ab płanach pa adnaŭleńni histaryčnych abjektaŭ u staličnym Łošyckim parku i Piščałaŭskaha zamka (byłoha SIZA na Vaładarskaha) raskazaŭ staršynia Minharvykankama Uładzimir Kucharaŭ, pišuć Minsk-Naviny.
Paśla zaviaršeńnia rekanstrukcyi histaryčnaj zabudovy pablizu Łošyckaha parku ŭ im zastajucca dva abjekty, jakija patrabujuć uvahi. Heta kaplica i młyn. Pa słovach Kucharava, pa ich raspracoŭvajecca prajektnaja dakumientacyja, a pačać restaŭracyju płanujecca ŭ 2026 hodzie. U hetym dapamohuć znojdzienyja vyjavy, na jakich budynki adlustravany ŭ pieršarodnym vyhladzie.
Akramia taho, idzie prajektavańnie pa Piščałaŭskim zamku (byłoha SIZA na Vaładarskaha), jakomu ŭ 2025-m spaŭniajecca 200 hadoŭ. Jaho źbirajucca rekanstrujavać i ŭklučyć u ekskursijny maršrut pa histaryčnym centry Minska, zrabiŭšy častkaj haradskoj prastory.
— Užo ŭ kancy hoda prystupim da rabot tam i, dumaju, Piščałaŭski zamak stanie ŭpryhožańniem horada Minska, — rastłumačyŭ staršynia Minharvykankama. — Tam buduć abjekty hramadskaha charčavańnia, handlu, a taksama mahčymaść arhanizoŭvać roznyja mierapryjemstvy. Jość damoŭlenaść z našym rycarskim kłubam, jaki taksama budzie ich ładzić, kab duch daŭniny, duch zamka zachoŭvaŭsia.
Kamientary