Biełaruskija ŭciekačy prosiać MZS Litvy paspryjać u atrymańni viz ich svajakam
Vałanciorskaja arhanizacyja «Dapamoha» i inicyjatyva «Ružovyja chustki» pačali zbor podpisaŭ siarod biełarusaŭ, jakija ŭ Litvie majuć status uciekačoŭ, pad kalektyŭnym zvarotam u Ministerstva zamiežnych spraŭ hetaj krainy.
Aŭtary prosiać litoŭskija ŭłady paspryjać u atrymańni ŭjaznych viz dla blizkich svajakoŭ uciekačoŭ, piša «Radyjo Svaboda».
Kali takija vizity buduć adniesienyja da humanitarnych vypadkaŭ, pracedura atrymańnia viz moža paskorycca praz praduhledžanaje litoŭskim zakonam pasiarednictva MZS, miarkujuć aŭtary zvarotu.
«Sami ŭciekačy jechać u Biełaruś nie mohuć, niekatorym hadami nie ŭdajecca pabačycca z baćkami ci blizkimi svajakami, bo ŭ tych ź vizitami ŭ Litvu taksama prablemy — amal niemahčyma atrymać vizu, bo zaraz MZS Litvy dapamahaje tolki pry ciažkaj chvarobie albo śmierci čałavieka. Tamu naša zaduma ŭ tym, kab vizit blizkich svajakoŭ byŭ pryznany humanitarnym vypadkam, pry jakim MZS pavodle zakonu akazvaje pasiarednictva», — raspaviała Svabodzie adna z aŭtarak zvarotu, kiraŭnica vałanciorskaj arhanizacyi «Dapamoga» Natalla Kalehava.
Aŭtary zvarotu prapanujuć svoj śpis katehoryj svajakoŭ, jakija pry atrymańni vizy mahli b raźličvać na pasiarednictva MZS Litvy, i chočuć viedać padrabiaznuju praceduru padačy zajavy na vizu ŭ takim vypadku.
«Bo ludziam treba dakładna viedać, jakija buduć patrebnyja dakumienty, u jakija terminy razhladajecca zajava, jak buduć praviarać kožnaha zaprošanaha ŭ Litvu», — patłumačyła Natalla Kalehava.
Jana miarkuje, što na biełaruskaj miažy biaśpieka svajakoŭ nie pavinna paciarpieć:
«Na miažy ŭ svajaka mohuć spytać tolki, adkul u jaho viza ŭ Litvu. Čałaviek adkaža, što ŭ jaho syn ci dačka majuć litoŭskija dakumienty, jaho zaprasili. Usio. Nichto ž nie chavaje, što jon jedzie da svajho blizkaha na sustreču, chaj sabie jon budzie trojčy «ekstremistam». Śpisy «ekstremistaŭ» u ich i tak jość, a za sustreču ŭ Biełarusi jašče nie sadziać. A toje, što ŭdałosia narešcie atrymać vizu, — heta inšaja, całkam zakonnaja sprava».
Pavodle Kalehavaj, śpis padpisantaŭ zvarotu budzie stroha kanfidencyjny, jaho pieradaduć u MZS asobnym dadatkam i nidzie nie apublikujuć.
Podpisy pad zvarotam u MZS Litvy aktyvisty buduć źbirać da 23 listapada ŭ vilenskim prytułku «Zamak».
-
Kaho vyšukvaje milicyja? Pa 39% — palityčnych i alimientščykaŭ. Rešta — usie astatnija artykuły FOTAFAKT
-
Cichanoŭskaja pačała ŭdzieł u samicie Jeŭrapiejskaj palityčnaj supolnaści z sustrečy ź Zialenskim
-
Biełarusy načami stajać u čarzie, kab uładkavacca na skład Wildberries u «Vialikim kamieni» z zarobkam ad 1500 rubloŭ
Ciapier čytajuć
Biełaruska na «Mis Suśviet» ździviła svaim uboram13
Biełaruska na «Mis Suśviet» ździviła svaim uboram
Advakat Alaksandr Danilevič: Mianie adviali ŭ kletku na KPP i začytali ŭkaz dla słužbovaha karystańnia pra pamiłavańnie pa prośbie Mižnarodnaha alimpijskaha kamiteta1010
Kamientary