Kaho vyšukvaje milicyja? Pa 39% — palityčnych i alimientščykaŭ. Rešta — usie astatnija artykuły FOTAFAKT
7 z 18 čałaviek na stendzie vyšuku ŭ Łahojskim rajonie — tyja, kaho chočuć pakarać pa palityčnych matyvach.
Historyk Aleś Paškievič pakazaŭ u fejsbuku, jak vyhladaje stend vyšuku ŭ milicyi Łahojskaha rajona. Na im 18 čałaviek.
Adzin z tych, kaho rasšukvaje milicyja za «sadziejničańnie ekstremisckaj dziejnaści», sam Aleś Paškievič. Aproč jaho, na stendzie jašče šeść čałaviek, kaho pieraśledujuć pa palityčnych pryčynach. Ahułam heta 39%.
Heta Darja Rubleŭskaja i kalinoviec Dzianis Urbanovič, jakich šukajuć za suviaź z «ekstremisckimi farmavańniami», a taksama Kanstancin Šyško, Alena Kniha i Alaksandr Łahunoŭski pa artykule za ŭdzieł u pratestach. Taksama ŭ vyšuku Volha Sinialova. Heta dziaŭčyna, jakuju sudzili pa niezvyčajnym artykule «parušeńnie roŭnaści hramadzian» — za toje, što nie zdała kvateru supracoŭnicy prakuratury.
Za ŭchileńnie ad vypłataŭ na ŭtrymańnie dziaciej šukajuć siemiarych čałaviek. Heta Dźmitryj Drahun, Uładzimir Zielanko, Arsienij Miadźviedzieŭ, Kaciaryna Łapickaja, Dźmitryj Mašaroŭski, Śviatłana Bašura i Siarhiej Pratasoŭski (u jaho siarod abvinavačvańniaŭ i alimienty, i kradziež).
Jakija artykuły ŭ astatnich?
Maksima Laciahu padazrajuć u raskradańni šlacham złoŭžyvańnia słužbovymi paŭnamoctvami ŭ asabliva bujnym pamiery), Vadzim Barkoŭski prachodzić pa č. 1 art. 328 KK (niezakonny abarot narkotykaŭ).
Jašče dvuch chočuć asudzić za ŭchileńnie ad pryzyvu. Heta Uładzisłaŭ Cichankoŭ i Ihnat Vojtaŭ.
Ciapier čytajuć
Advakat Alaksandr Danilevič: Mianie adviali ŭ kletku na KPP i začytali ŭkaz dla słužbovaha karystańnia pra pamiłavańnie pa prośbie Mižnarodnaha alimpijskaha kamiteta1010
Kamientary