Cichanoŭskaja pačała ŭdzieł u samicie Jeŭrapiejskaj palityčnaj supolnaści z sustrečy ź Zialenskim
«Mir pavinien być na ŭmovach Ukrainy, z nadziejnymi harantyjami biaśpieki, jakija nie dazvolać Rasii napaści znoŭ», — skazała demakratyčnaja lidarka.
«Ja pačała svoj udzieł u samicie Jeŭrapiejskaj palityčnaj supolnaści ŭ Dublinie z sustrečy z prezidentam Ukrainy Uładzimiram Zialenskim. Pieradała jamu słovy salidarnaści i padtrymki ad biełarusaŭ. My staim na baku Ukrainy i ŭkrainskaha naroda. Siońnia jak nikoli važna ŭzmacnić padtrymku Ukrainy, kab spynić rasijskuju ahresiju i dasiahnuć spraviadlivaha i tryvałaha miru», — paviedamiła jana ŭ svaim telehram-kanale.
Cichanoŭskaja kaža, što losy Biełarusi i Ukrainy nieparyŭna źviazanyja, ad vyniku hetaj vajny zaležyć i budučynia Biełarusi.
«Mir pavinien być na ŭmovach Ukrainy, z nadziejnymi harantyjami biaśpieki, jakija nie dazvolać Rasii napaści znoŭ. Biełaruskaje pytańnie pavinna stać častkaj pieramoŭ pra tryvały mir. Nielha dapuścić, kab Biełaruś zastałasia pad kantrolem Rasii abo stała suciašalnym pryzam dla Pucina. Nieabchodna vyvieści rasijskija vojski ź Biełarusi i adnavić sapraŭdnuju niezaležnaść i suvierenitet našaj krainy. Biez hetaha nie budzie tryvałaj biaśpieki ni dla Ukrainy, ni dla ŭsiaho rehijona», — zaznačyła Cichanoŭskaja.
Jany abmierkavali rolu režymu Łukašenki ŭ rasijskaj ahresii i važnaść niedapuščeńnia ŭciahvańnia biełaruskaha vojska ŭ vajnu.
«My chočam bačyć Ukrainu mocnaj, niezaležnaj i mirnaj, a Biełaruś — svabodnaj i demakratyčnaj. Našy narody zasłuhoŭvajuć biaśpiečnaj jeŭrapiejskaj budučyni», — reziumavała Śviatłana Cichanoŭskaja.
Ciapier čytajuć
Advakat Alaksandr Danilevič: Mianie adviali ŭ kletku na KPP i začytali ŭkaz dla słužbovaha karystańnia pra pamiłavańnie pa prośbie Mižnarodnaha alimpijskaha kamiteta1010
Kamientary