U Minsku adnyja zamiežniki vykrali i katavali inšych, patrabujučy za vyzvaleńnie indyjskija rupii
U Minsku ŭstupiŭ u zakonnuju siłu prysud dvum zamiežnikam va ŭzroście 20 i 36 hadoŭ, jakich abvinavacili ŭ vykradańni ludziej i vymahalnictvie. Abodva raniej nie mieli sudzimaściaŭ, paviedamlaje ahienctva «Minsk-Naviny» sa spasyłkaj na prakuraturu Minska.
Jak paviedamili ŭ prakuratury Minska, mužčyny, dziejničajučy pa papiaredniaj zmovie, vykrali dvuch zamiežnych hramadzian 1997 i 2001 hadoŭ naradžeńnia. Jany pryjechali ŭ Biełaruś tranzitam, kab paźniej vyjechać u krainy Jeŭrasajuza.
Złamyśniki začynili ich u arandavanaj kvatery na praśpiekcie Niezaležnaści i zapatrabavali za vyzvaleńnie 3,6 miljona indyjskich rupij — bolš za 135 tysiač biełaruskich rubloŭ.
Vykradalniki zabrali ŭ paciarpiełych usie najaŭnyja hrošy, a zatym prymusili ich praź miesiendžary telefanavać svajakam pa aŭdyjo– i videasuviazi i prasić pieradać nieabchodnuju sumu.
Na praciahu jak minimum 20 hadzin abvinavačanyja ździekavalisia z mužčyn: bili ich rukami, nahami i dziaržalnam naža pa hałavie i ciele, katavali i prynižali. Usio heta supravadžałasia pahrozami zabojstvam, kalectvam i seksualnym hvałtam.
Adzin z paciarpiełych zdoleŭ aktyŭna supraciŭlacca napadnikam, dziakujučy čamu abodvum mužčynam udałosia vybracca z kvatery. Vymahalnikaŭ zatrymali, suprać ich raspačali kryminalnuju spravu i ŭziali pad vartu.
Padčas sudovaha razhladu adzin z abvinavačanych całkam admaŭlaŭ svaju vinu, druhi pryznaŭ jaje častkova.
Starejšy z mužčyn maje siaredniuju adukacyju, žanaty i vychoŭvaje vaśmihadovaje dzicia. Małodšy skončyŭ tolki siem kłasaŭ, nie žanaty. Abodva aficyjna nidzie nie pracavali, nie mieli pastajannaj rehistracyi i miesca žycharstva ŭ Biełarusi.
Sud pryznaŭ ich vinavatymi ŭ vykradańni čałavieka i vymahalnictvie. Kožnamu pryznačyli pa dzieviać hadoŭ pazbaŭleńnia voli ŭ papraŭčaj kałonii ŭzmocnienaha režymu, a taksama štraf u pamiery 300 bazavych vieličyń — 13 500 rubloŭ.
Ciapier čytajuć
Advakat Alaksandr Danilevič: Mianie adviali ŭ kletku na KPP i začytali ŭkaz dla słužbovaha karystańnia pra pamiłavańnie pa prośbie Mižnarodnaha alimpijskaha kamiteta1010
Kamientary