«Ja byŭ u HUBAZiKu, byŭ u Minkulcie. Kudy jašče schadzić?» Vitala Artysta pryznali darmajedam
Salist minskaha hurta «Bieź bileta» Vital Artyst padzialiŭsia ŭ sacsietkach navinoj, što jaho pryznali asobaj, nie zaniataj u biełaruskaj ekanomicy.
«Kryšačku padrasstroiŭsia ja siońnia. Tamu što ŭručyli mnie papieru, što ja bolš nie zaniaty ŭ ekanomicy. Za hetyja hady, pakul u mianie nie było mahčymaści hrać kancerty, ja pieraprabavaŭ roznyja dźvižavyja prafiesii. Ja byŭ i vadziłam, i dryvasiekam, i kascom, i pračkaj, i viaskovym budaŭnikom, i kurjeram. Nu, realna, kim tolki nie pracavaŭ.
Ale pryznajusia, što budaŭnik ź mianie kiepski. Značna lepš u mianie atrymlivajecca pieśni pisać. I chaču skazać dziakuj Biełarusi za mahčymaść žyć, dychać hetym pavietram, maryć pad biełaruskim niebam. I vielmi spadziajusia, što adnojčy ŭ mianie źjavicca mahčymaść być zaniatym u ekanomicy i zajmacca svajoj prafiesijaj — pisać pieśni i vykonvać ich ludziam.
Ja byŭ u HUBAZiKu, byŭ u Minkulcie. Voś kudy jašče schadzić? Kali viedajecie, padkažycie.
Suśviet, ja pasyłaju tabie hety videalist. Zrabi što-niebudź i padkažy mnie, kudy ruchacca, padaj mnie jaki-niebudź jašče znak, akramia voś hetaha lista, jaki mnie ŭručyli voś ranicaj», — raskazaŭ Artyst.
Krychu raniej jon raskazaŭ pra niehatyŭnuju reakcyju, ź jakoj čamuści sutykajecca praz svaje hastroli ŭ Rasii.
Hurt «Bieź bileta» pačaŭ paśla pierapynku ŭ čatyry hady hastralavać u Rasii z pačatku 2026 hoda. Pierad tym Vitala Artysta, salista i stvaralnika biełaruskaha hurta «Bieź Bileta», 19 kastryčnika 2025 hoda ŭklučyli ŭ bazu ŭkrainskaha sajta «Miratvorac», dzie publikujecca infarmacyja pra mierkavanych «prarasijskich terarystaŭ, sieparatystaŭ, najmitaŭ, vajennych złačyncaŭ i zabojcaŭ».
Hurt «Bieź bileta» chejciać za hastroli ŭ Rasii. Vital Artyst adkazaŭ
Vital Artyst pryznaŭsia, što raźvioŭsia druhi raz
Salist «Troch dzion daždžu» pra skandalny kancert u Minsku: Praz stan majho zdaroŭja my nie zmahli vykanać usiu prahramu tak, jak chacieli
Salista rasijskaha hurta na kancercie ŭ Minsku, padobna, adkačvała chutkaja — paśla jon śpiavaŭ u paŭciemry pad fanieru
Ciapier čytajuć
Advakat Alaksandr Danilevič: Mianie adviali ŭ kletku na KPP i začytali ŭkaz dla słužbovaha karystańnia pra pamiłavańnie pa prośbie Mižnarodnaha alimpijskaha kamiteta1010
Kamientary
Ale tak napraŭdu - pieśni ŭ jaho taksama drennyja byli.