Vyras ekspart kaliju i MAZaŭ

Abjom zamiežnaha handlu tavarami i pasłuhami Biełarusi za studzień-lipień 2010 skłaŭ 34,5 młrd dalaraŭ ZŠA, u tym liku ekspart — 15,8 młrd dalaraŭ, impart — 18,7 młrd dalaraŭ. Da ŭzroŭniu studzienia-lipienia 2009 abjom zamiežnaha handlu tavarami i pasłuhami skłaŭ 118,5%, ekspart — 122,2%, impart — 115,6%.

Salda zamiežnaha handlu tavarami i pasłuhami admoŭnaje i składaje 2.9 młrd dalaraŭ.

U studzieni-lipieni 2010 sfarmavałasia admoŭnaje salda zamiežnaha handlu tavarami ŭ pamiery 4201,1 młn dalaraŭ suprać 4291,3 młn za studzień-lipień 2009.

Asnoŭnaj krynicaj farmavańnia admoŭnaha salda zamiežnaha handlu tavarami źjaŭlajucca ekspartna-impartnyja apieracyi z pramiežkavymi tavarami (enierhanośbity, syravina, materyjały i kamplektujučyja).

Istotnaje pavieličeńnie ekspartu pa dadzienaj hrupie tavaraŭ vyklikanaje značnym rostam vartasnaha abjomu pastavak na zamiežny rynak kalijnych uhnajeńniaŭ (na 729,5 młn dalaraŭ), šynaŭ (na 76,2 młn), čornych mietałaŭ (na 66,8 młn)

Adnačasova pavialičylisia vartasnyja abjomy impartnych zakupak čornych mietałaŭ (na 489,1 młn dalaraŭ), cukru-syrcu (na 138 młn), uhnajeńniaŭ azotnych (na 74,3 młn),

Pavieličeńnie pastavak na zamiežny rynak inviestycyjnych tavaraŭ adbyłosia ŭ vyniku rostu vartasnych abjomaŭ ekspartu aŭtamabilaŭ hruzavych (na 266,2 młn dalaraŭ), traktaroŭ i siedłavych ciahačoŭ (na 86,5 młn), darožnaj i budaŭničaj techniki (na 22,6 młn)

Adnačasova adbyłosia źnižeńnie impartu piečaŭ pramysłovych (na 45,5 młn dalaraŭ), mietałaapracoŭčaha stankoŭ (na 38,7 młn), vahonaŭ čyhunačnych (na 30,8 młn), ruchavikoŭ turbareaktyŭnych i turbavintavych, hazavych turbin (na 24,5 młn).

Pavieličeńnie ekspartu charčavańnia adbyłosia ŭ vyniku rostu vartasnych abjomaŭ pastavak małaka i viarškoŭ zhuščanych i suchich (na 146,9 młn dalaraŭ), cukru biełaha (na 130,9 młn), syroŭ i tvarahu (na 99,7 młn) , jałavičyny (na 45,3 młn), masła (na 44 młn), małaka i viarškoŭ niazhuščanych (na 32 młn).

Ekspart niecharčovych tavaraŭ pavialičyŭsia za košt rostu pastavak na zamiežny rynak chaładzilnikaŭ i marazilnikaŭ (na 33,7 młn dalaraŭ), mebli (na 26,5 młn), hazavych plit (na 15,3 młn), pančošna-škarpetkavych vyrabaŭ (na 11,2 młn), abutku (na 10,5 młn).

Z ahulnaha abjomu ekspartu respubliki na dolu Rasii pryjšłosia 39,4%, astatnich krain SND — 14,5%, krain ES — 29,1%, astatnich krain — 17%.

Impart z Rasii skłaŭ 54,1% ahulnaha abjomu impartu, astatnich krain SND — 6,7%, krain ES — 21,2%, astatnich krain — 18%.

• 0
• 0
• 0
• 0
• 0
• 0
• 0
• 0