U Maskvie sabraŭsia rekordny mitynh

Repartaž NTV:

Repartaž Pieršaha kanała:

Repartaž Gazeta.ru:

Vystup Alaksieja Navalnaha:

Vystup piśmieńnika Barysa Akunina:

Arciom Traicki patrabuje absalutnaj prazrystaści pryvatnaha žyćcia i finansaŭ ad kiraŭnikoŭ krainy:

Videazvarot Leanida Parfionava da mitynhu: Brežnieŭ apranaŭsia, Pucin raspranajecca

Dźmitryj Bykaŭ: Historyja pastaviła na nas — i pakłała na ich.

Vystup Hary Kasparava:

Intervju lidara hramadzianskaha ruchu suprać karupcyi Alaksieja Navalnaha:

Vystup Alaksieja Kudryna — patencyjnaha lidara pravych u Rasii:

Zvarot Juryja Šaŭčuka, DDT:

16:21

Vystupaŭ naziralnik z vybarčaha ŭčastka. Raskazvaje, jak falsifikujucca vybary. Viadučy Uładzimir Poźnier źviarnuŭsia z karotkim telezvarotam.

Pry kancy mitynhu «pa ruskaj tradycyi» ŭdzielnikaŭ z Novym hodam pavinšavaŭ Dzied Maroz. Mitynh skončyŭsia.

Pa acenkach milicyi, u mierapryjemstvie ŭdzielničała 30 tysiač čałaviek. Arhanizatary kažuć pra 100 tysiač.

15:57

Nacyjanalist Tor prosić prabačeńni za toje, što vystupaje paśla ministra pucinskaha kabinieta Kudryna. Toru kryčać: «Kudryn lepšy». Nie ŭ zachapleńni ludzi ad Tora.

Vystupaŭ były premjer Michaił Kaśjanaŭ. Mitynhi prachodziać nie tolki ŭ Maskvie, ale i ŭ inšych haradach Rasii. U Sankt-Pieciarburzie sabrałasia 4 tysiačy čałaviek. U «paŭnočnaj stalicy» Rasii było cełyja try mitynhi.

U Maskvie siońnia, pieradaje naš karespandent, kiepskaje nadvorje, chałodna.

15:30

Illa Jašyn: «My volny narod. My nie budziem ciarpieć abrazaŭ». U cełym vystupleńni vielmi śmiełyja. Pramoŭcy asabliva nie pierabirajuć słovaŭ, niaredka abražajuć pradstaŭnikoŭ ułady. Kasiakin z «Levaha frontu» nazyvaje Pucina ź Miadźviedzievym «fašystami». «Realna možna budzie abvieścić respublikanskuju zabastoŭku», — kaža Kasiakin.

Ryhora Jaŭlinskaha z partyi «Jabłyk» aśvistvajuć. Jaŭlinski źviartajecca da ŭłady: «Nie budźcie maradziorami, nie budźcie svałačami, vyzvalicie Udalcova».

Ludzi pačynajuć pacichu razychodzicca. Abaronca Chimkinskaha lesu Jaŭhienija Čyrykava: «U Rasii jość nadzieja. Žulikam i złodziejam nie doŭha siadzieć u Kramli».

Były vice-premjer Alaksiej Kudryn: «Ja tut, bo ja za spraviadlivyja vybary. Na miescy Čurava musić być inšy čałaviek».

Prychod na mitynh upłyvovaha Kudryna - važny znak, što ruch za pieramieny padtrymlivajuć biznes-elity.

14:57

Vystupaje muzyka Vasilij Abłomaŭ, aŭtar chita «Jedu ŭ Mahadan». «Treba nahadać, što heta naša kraina, i my tut hałoŭnyja», — kaža Abłomaŭ. Jon vykonvaje pieśniu «Z čaho pačynajecca Radzima».

Žurnalist Viktar Šandarovič pieradaje pryvitańnie ad Žyrynoŭskaha, Ziuhanava i Mironava, jakija ŭ «nas nie majuć patreby. A praz čatyry hady prosiać pryjści znoŭ, kab zaklikać hałasavać za ŭsich, aproč «Adzinaj Rasii». Šandaroviča sprabujuć aśvistać. Jon paraŭnoŭvaje Pucina z Čyčykavym.

«Kali my budziem infantylnym i raŭnadušnymi, to heta adzinaja nadzieja režymu».

Śvieckaja lvica Ksienija Sabčak kaža: «Mnie jość, što hublać. Moj baćka byŭ adnym z tych, chto pisaŭ Kanstytucyju Rasii». Publika vielmi niezadavolenaja, što vystupaje Sabčak. Jana kaža, što nie vielmi zadavolenaja siońniašniaj apazicyjaj. Kaža, nam nie patrebnyja ludzi, što kličuć na revalucyju. Jaje aśvistvajuć.

14:27

Vystupaje šachmatyst Hary Kasparaŭ. «Ułada abiacaje adlihu, paśla jakoj znoŭ pačnucca zamarazki. Nas mnoha, a ich — mała. Jany bajacca, a my zhubili strach. U nas dekaratyŭny prezident, parłamient, vybary».

Pačynaje svoj vystup Alaksiej Navalny. Jaho sustrakajuć avacyjami. «Jany nie vialikija źviary, a małyja chłuślivyja šakały», — hukaje Navalny.

Gazeta.ru pieradaje, što ludzi łoviać kožnaje słova Navalnaha. Nijakich pravakacyj z boku palicyi pakul nie było.

«My tut ułada», — kryčyć Navalny. «My budzie vychodzić na vulicy, pakul jany nie addaduć, toje, što vinnyja. Nastupny raz my vyviedziem na vulicu miljon čałaviek».

14:07

Vyrašyli ŭšanavać chvilinaj maŭčańnia pa Vacłavu Havełu, a taksama pa achviarach Žanaazenia. Pradstaŭnik «Spraviadlivaj Rasii» Panamaroŭ kaža, što nam nie patrebny ŭ Dumie «žuliki i vory». Kaža, što my pavinny zdać deputackija, kab pravieści novyja vybary. Jamu kryčali z natoŭpu: «Zdavaj svoj mandat».

Pa dadzienych milicyi, na płoščy ŭžo 28 tysiač čałaviek. Barys Nadzieždzin kaža, što 60 tysiač. Usie arhanizatary adznačajuć, što ludziej bolej, čym na Bałotnaj.

13:53

Na mitynhu ŭžo bolej za 21 tysiaču čałaviek. Jość peŭnyja prablemy z technikaj, tamu adkłali videazvarot Udalcova.

Vasil Utkin sprabuje zavieści publiku na śpiavańnie chita «Leninhrada» «Vybary-vybary, kandydaty…»

«Interfaks» pieradaje, što ŭvachod na mitynh spynieny. Barys Niamcoŭ sa sceny kaža, što nichto siudy nie chodzić za hrošy, a tamu, što ludziej dastała takaja situacyja.

«Małodšy z dvuch hulivieraŭ Miadźviedzieŭ skazaŭ, što i meraŭ buduć abirać, i partyi rehistravać. Nie vierym my jamu», — kryčyć Niamcoŭ. «Jon viadomy błohier, ale prezidentam tak i nie staŭ».

13:37

Na pačatku akcyi na praśpiekcie Sacharava, pavodle acenak karespandentaŭ gazeta.ru było 5–7 tysiač čałaviek. Mitynh viaduć kamientatar Utkin, žurnalistka Ramanava i palityk Ryžkoŭ.

Piśmieńnik Barys Akunin prapanuje nazvać novy ruch «Česnaja Rasija». Na mitynh pryjechaŭ były ministr finansaŭ Alaksiej Kudryn. U svaich intervju jon adznačaje, što ličyć niemahčymym praviadzieńnie novych vybaraŭ. Ale vystupaje za adstaŭku staršyni CVK Čurava.

Muzyčny krytyk Arciomij Troicki pryjšoŭ «u kaściumie preziervatyva». Raskazvaje pra zakrytaść asabistaha žyćcia Uładzimira Pucina. «Kali jon nie robić heta sa svajoj žonkaj, to robić z krainaj», — kaža Troicki.

Publika na akcyju pryjšła strakataja, jak i papiarednija razy. I moładź, i staryja. Niechta sa ściaham KPRF, a niechta z raściažkaj «Hillary, I'm still waiting for my money».

Pa stanie na 13:30 pa źviestkach milicyi na mierapryjemstvie prysutničaje 14 tysiač čałaviek.

11.45

* * *

Mitynh raspačynajecca, a 14-j hadzinie maskoŭskaha času (13.00 biełaruskaha) na praśpiekcie Akademika Sacharava. Jaho deviz — «Razam vierniem sabie prava vybaru».

Apošnija mitynhi ŭ Maskvie — najbolšyja ad 1993 hoda. Jany źjadnali samych rochnych ludziej. Na siońniašnim mitynhu čakajucca vystupy błohiera Alaksieja Navalnaha, televiadučaha Leanida Parfionava, piśmieńnikaŭ Barysa Akunina i Dźmitryja Bykava. Navat teledziva Ksienija Sabčak dałučajecca da vieča. Siurpryzam mitynhu moža stać udzieł byłoha ministra finansaŭ Alaksieja Kudryna, eks-prezidenta Michaiła Harbačova i biznesoŭca Michaiła Procharava.

• 0
• 0
• 0
• 0
• 0
• 0
• 0
• 0