Najbolšyja zarobki ŭ śfiery finansavaj dziejnaści — za 5 młn rubloŭ, nižejšyja — u sialanaŭ.
U studzieni 2012 hoda ŭ paraŭnańni sa studzieniem 2011 hoda realnaja zarpłata (raźličanaja z ulikam rostu spažyvieckich cen na tavary i pasłuhi) pamienšyłasia na 2,7%, paviedamili ŭpres-słužbie Nacyjanalnaha statystyčnaha kamiteta.
U paraŭnańni sa śniežniem 2011 hoda realnaja zarpłata pamienšyłasia na 1,8%.
Naminalnaja naličanaja siaredniamiesiačnaja zarpłata rabotnikaŭ u studzieni 2012 hoda skłała 2 młn. 880,6 tys. rubloŭ i ŭ paraŭnańni sa śniežniem 2011 hoda pavialičyłasia na 0,1%, ci na 2,9 tys. rubloŭ.
Na pramysłovych pradpryjemstvach siaredniaja zarpłata ŭ studzieni hetaha hoda skłała 3 młn. 360,1 tys. rubloŭ, u budaŭničych arhanizacyjach — 3 młn. 185 tys., u arhanizacyjach transpartu i suviazi — 3 młn. 234,6 tys., sielskaj haspadarki, palavańnia i lasnoj haspadarki — 1 młn. 935,3 tys., va ŭstanovach achovy zdaroŭja i akazańnia sacyjalnych pasłuh — 2 młn. 525,7 tys. rubloŭ. Siaredniaja zarpłata ŭračoŭ skłała 4 młn. 223,8 tys., siaredniaha miedycynskaha piersanału — 2 młn. 521,5 tys. rubloŭ. Va ŭstanovach adukacyi siaredniaja zarpłata skłała 2 młn. 449,9 tys. rubloŭ, u tym liku nastaŭnikaŭ — 2 młn. 941 tys.,
Maksimalny pamier siaredniaj zarpłaty ŭ studzieni pa asobnych halinach byŭ zafiksavany ŭ śfiery finansavaj dziejnaści — 5 młn. 158 tys. rubloŭ, minimalny — u rabotnikaŭ sielskaj haspadarki, palavańnia i lasnoj haspadarki (1 młn. 935 tys.).
Maksimalny pamier naminalnaj naličanaj siaredniaj zarpłaty ŭ studzieni byŭ adznačany ŭ Minsku — 3 młn. 654,1 tys. rubloŭ, minimalny — u Bresckaj vobłaści (2 młn. 430,9 tys.). U Viciebskaj vobłaści siaredniaja zarpłata skłała 2 młn. 564,7 tys. rubloŭ, Homielskaj — 2 młn. 769,2 tys., Hrodzienskaj — 2 młn. 516,9 tys., Minskaj — 3 młn. 133 tys., Mahiloŭskaj — 2 młn. 595 tys. rubloŭ.
Kamientary