У Еўрапейскім Саюзе да мігрантаў ставяцца як да быдла, збіваючы іх і пазбаўляючы нармальных агульначалавечых умоў. Пра гэта распавёў дзяржаўны сакратар Рады бяспекі Аляксандр Вальфовіч, перадае БелТА.
Дзяржсакратар адзначыў, што апошні час ідзе паток негатыўнай інфармацыі, Беларусь спрабуюць папракнуць ледзь ці не ў спрыянні нелегальнай міграцыі. «Тут трэба глядзець у корань пытання. Так, мы фіксуем павелічэнне патоку нелегальнай міграцыі на заходнім кірунку. Але хіба гэта навіна для еўрапейскіх краін? Па-мойму, не. І ўжо на працягу некалькіх гадоў паток нелегальных мігрантаў у краіны Еўропы, асабліва з краін Блізкага Усходу, нарастае. Ці варта ў гэтым папракаць Беларусь і разглядаць яе як цэнтр нейкага зла. Не, трэба паглядзець у корань і пашукаць прычыны, чаму гэта адбываецца», — сказаў Аляксандр Вальфовіч.
Нагадаем, Еўропа сутыкнулася з глыбокім міграцыйным крызісам у 2015 годзе. Аднак з тых часоў колькасць мігрантаў у краінах значна скарацілася. Істотны рост нелегальнай міграцыі праз беларуска-літоўскую мяжу пачаўся адносна нядаўна, з лета 2021 года, ён ніяк не звязаны з міграцыйным крызісам 2015 года ў ЕС. На іншых участках знешняй мяжы ЕС не фіксаваў такога імклівага росту нелегальнай міграцыі.
Ён лічыць, што менавіта краіны калектыўнага Захаду на падставе прыўнясення дэмакратычных каштоўнасцяў кінулі ў стан вайны многія краіны Блізкага Усходу, якія некалі квітнелі.
«Толькі, на жаль, да іх ставяцца ў Еўропе як да быдла. Як калісьці ў канцлагерах да ваеннапалонных. Заганяюць на закрытыя тэрыторыі, абносяць калючым дротам, утрымліваюць у нечалавечых умовах. Адсутнасць вады, ежы і іншых нармальных агульначалавечых элементарных каштоўнасцяў. Абліваюць іх з вадамётаў, труцяць газам для таго, каб людзі, якія пачынаюць абурацца, маўчалі», — сказаў ён пра мігрантаў.
Каментары