13 сакавіка памёр пісьменнік Міледзій Кукуць, паведаміў Саюз пісьменнікаў Беларусі. Яму было 72 гады.
Міледзій Кукуць нарадзіўся 27 чэрвеня 1953 года ў вёсцы Вусаўцы Мёрскага раёна.
Вучыўся ў Наўгародскай васьмігодцы. Пасля заканчэння школы сям'я пераехала ў Шаркаўшчынскі раён. У 1968 годзе скончыў Шаркаўшчынскую сярэднюю школу і паехаў вучыцца ў горад Полацк на электраманцёра.
У 1989 годзе завочна скончыў Горацкую сельскагаспадарчую акадэмію, працаваў электрыкам, інжынерам-механікам, старшынёй калгаса, а да выхаду на пенсію — начальнікам аддзела дзяржтэхнагляду Шаркаўшчынскага раённага выканаўчага камітэта.
У літаратуру Міледзій Кукуць прыйшоў у сталым узросце. Вершаваныя і празаічныя творы друкаваў у раённых, абласных і рэспубліканскіх выданнях. Першая кніга аўтара «Адзін дзень і ўсё жыццё» выйшла ў 1997 годзе. Аўтар кніг «Чысціня душы» (2008), «На сёмым небе» (2013), «У палоне кахання» (2018), «Дасье на Трампа» (2022). У 2013 годзе з аповесцю «На сёмым небе» Міледзій Кукуць заняў другое месца ў Рэспубліканскім літаратурным конкурсе на лепшы літаратурны твор года ў намінацыі «Проза».
З 2006 года быў членам Саюза пісьменнікаў Беларусі, таксама ён быў лаўрэатам ганаровага звання «Чалавек года Шаркаўшчыны».
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах52
Каментары