«Думаў, што пакаранне будзе разоў у шэсць менш суровым». Што Ціханоўскі піша пасля прысуду
14 снежня Сяргей Ціханоўскі быў пакараны пазбаўленнем волі на тэрмін 18 гадоў. У лісце з гомельскай турмы палітзняволены напісаў, што не чакаў настолькі суровага прысуду, піша «Радыё Свабода».
«Вось і надышло лагічнае завяршэнне майго влогу. Калі я пачынаў яго, то разумеў, што, хутчэй за ўсё, так і скончыцца. Вядома, я думаў, што пакаранне будзе разоў у шэсць менш суровым. Але гэта такая ацэнка маёй дзейнасці. Аказваецца, выкрываць беззаконне — гэта асабліва небяспечнае злачынства», — напісаў Сяргей Ціханоўскі.
Ён зазначае, што не думаў, што затрыманне адбудзецца ў маі 2020-га.
«Ці змяніў бы я нешта? Не. А што можна было б змяніць? Нават калі б я запісаў нейкі відэазварот, не факт, што гэта б нешта змяніла. Як грамадзянін, я выканаў свой грамадзянскі абавязак. Маім дзецям не будзе сорамна за мяне. І цяпер мяч не на маім баку», — выказаўся палітзняволены.
«Веру ў перамены да лепшага ў Беларусі», — такімі радкамі скончыў ліст Ціханоўскі.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары