Бацька Соф'і Сапегі пагасіў штраф па прысудзе дачкі. Цяпер яе могуць экстрадаваць у Расію
Расіянка Соф'я Сапега сплаціла штраф памерам 175 тысяч рублёў (прыкладна 68 тысяч даляраў). Яго спагнаў суд на карысць больш за 70 пацярпелых сілавікоў, чыноўнікаў і суддзяў, паведамляе BBC.
Сапегу асудзілі на 6 гадоў калоніі за адміністраванне апазіцыйнага тэлеграм-канала «Чорная кніга Беларусі». Аплата штрафу ліквідуе фармальныя перашкоды да памілавання Лукашэнкам ці яе перадачы ў Расію для адбыцця пакарання.
Соф'я Сапега пагасіла ўсю суму, якую яна абавязаная была выплаціць паводле прысуду, расказаў Бі-бі-сі адвакат сям'і Сапегі Антон Гашынскі. Паводле яго слоў, штраф Соф'і аплаціў яе бацька Андрэй Сапега, які жыве ў Расіі.
Па словах адваката Гашынскага, па законе без пагашэння шкоды ўлады Беларусі не могуць перадаць асуджаную ў Расію. У вырашэнні пытання аб памілаванні пагашэнне доўгу таксама з'яўляецца ключавым умовай.
Соф'я Сапега адбывае тэрмін у Гомельскай жаночай калоніі. Яна прызнаная вінаватай у распальванні сацыяльнай варожасці і незаконным зборы звестак аб прыватным жыцці.
У канцы чэрвеня Сапега звярнулася з калоніі да Лукашэнкі з хадайніцтвам аб памілаванні.
Аляксандр Лукашэнка ў чэрвені заявіў журналістам, што не выключае перадачу Сапегі Расіі.
Цяпер чытаюць
Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі35
Каментары