Намечаны комплекс мерапрыемстваў па барацьбе адвакатуры са злачыннасцю. Аб гэтым паведаміў старшыня Беларускай рэспубліканскай калегіі адвакатаў Віктар Чайчыц, выступаючы 5 красавіка на міжнароднайнавукова-практычнай канферэнцыі, што праходзіць у Акадэміі МУС.
«На жаль, часам у грамадстве бытуе такое меркаванне, што адвакат у сілу сваёй прафесійнай дзейнасці не змагаецца са злачыннасцю, а, хутчэй, абараняе яе. Гэта не так. На самой справе адвакат спрабуе ўсімі законнымі спосабамі апраўдаць не само злачынства, а чалавека, які абвінавачваецца ва ўчыненні злачынства. І ад таго, наколькі прафесійна і якасна спрацуе адвакат, шмат у чым залежыць устанаўленне ісціны па справе <…> Калі б адвакаты заўсёды працавалі якасна, не саромеліся спрачацца са следствам, пісалі скаргі ва ўсе інстанцыі, то памылак было б нашмат менш», — заявіў Чайчыц.
Ён адзначыў, што
сёння заканадаўствам адвакату дадзены вялікія правы па зборы доказаў.«Практыкі ведаюць, што гэта — велізарная дапамога следству», — сказаў Чайчыц. Кіраўнік рэспубліканскай калегіі адвакатаў таксама назваў адну з задач адвакацкай супольнасці — перавыхаванне абвінавачванага, паколькі абаронца знаходзіцца з ім у больш даверлівых адносінах, чым следчы.
«Лічу, што адвакатура яшчэ недастаткова выкарыстоўваецца для таго, каб весці прафілактыку сярод правапарушальнікаў. Гэта наша недапрацоўка. Намечаны комплекс мерапрыемстваў па барацьбе са злачыннасцю, як бы гэта ні гучала дзіўна», — сказаў Чайчыц.
Ён таксама адзначыў, што роля адваката ў барацьбе са злачыннасцю не такая прыкметная і відавочная, «але яна вельмі важная». «Вельмі б хацелася, каб работнікі праваахоўных органаў бачылі ў адвакаце не працэсуальнага саперніка, а перш за ўсё памочніка ва ўстанаўленні ісціны па справе», — падкрэсліў старшыня Беларускай рэспубліканскай калегіі адвакатаў.
Цяпер чытаюць
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы3
Каментары