Беларусь возьме ўдзел у міжнародным праекце па сачэнні за зязюлямі
Як паведаміў БелаПАН дырэктар грамадскай арганізацыі «Ахова птушак Бацькаўшчыны» Віктар Фянчук, праект будзе рэалізоўвацца ў 2013 годзе ў трох краінах — Беларусі, Германіі і Вялікабрытаніі.Яго задача — спрыяць захаванню папуляцыі звычайнай зязюлі ў Еўропе. Падчас праекта ў Беларусі на восем зязюль будуць павешаны спецыяльныя датчыкі. Яны перадаюць інфармацыю пра месцазнаходжанне птушак, што дазваляе ўстанавіць шляхі іх міграцыі і месцы зімовак. Дзякуючы малой масе — менш як 5 грамаў — прылады не будуць нязручнымі для птушак. Плануецца, што ўсе ахвотныя атрымаюць магчымасць назіраць за палётам птушак анлайн — на спецыяльна створаным для гэтых мэт сайце.
Як адзначыў Фянчук, рэалізацыя праекта ў Беларусі фінансуецца Міністэрствам прыродных рэсурсаў Германіі. Кожны датчык каштуе прыкладна 2 тыс. еўра, не лічачы расходаў на яго абслугоўванне.
Колькасць зязюлі ў Еўропе зніжаецца ў сувязі са зменай практык вядзення сельскай гаспадаркі, сказаў Фянчук.Гэтыя птушкі сілкуюцца галоўным чынам буйнымі гусеніцамі, якіх у сувязі з апрацоўкай палёў супраць насякомых становіцца ўсё менш. У Беларусі сітуацыя для захавання зязюль найбольш спрыяльная: шмат малапарушаных
Усяго ў Еўропе (не ўлічваючы Расію) больш як мільён зязюль. У тым ліку больш як 50 тыс. птушак водзяцца ў Беларусі,што з’яўляецца адной з самых буйных еўрапейскіх сукупнасцяў гэтага віду.
Каментары