Палякі разабралі на мяжы аўтамабіль жонкі важнага беларускага чыноўніка. У пошуках наркотыкаў
Былы часовы павераны ў справах Польшчы ў Беларусі Вітальд Юраш расказаў, як Варшава адказала Мінску на ціск на польскую меншасць.
Вітальд Юраш у 2010 годзе ўзначаліў палітычны аддзел пасольства Польшчы ў Мінску, а з красавіка 2010‑га па люты 2011 года выконваў абавязкі кіраўніка дыпламатычнай місіі як часовы павераны ў справах. Пасля завяршэння дыпламатычнай кар'еры ён стаў журналістам і публіцыстам.
У размове з журналістам Багданам Рыманоўскім на яго YouTube-канале Юраш згадаў часы сваёй працы ў Беларусі. Паводле былога дыпламата, у той час беларускія ўлады рэгулярна стваралі праблемы прадстаўнікам польскай меншасці. Сярод тых, хто сутыкаўся з ціскам, ён назваў Анжаліку Борыс, Анджэя Пачобута і Анжаліку Арэхву.
«Мы вельмі доўга думалі, што з гэтым рабіць. І ў нейкі момант удалося арганізаваць такую непрыемнасць беларускаму боку, бо там уся гродзенская і брэсцкая эліта ездзіла адпаведна ў Беласток і Белую-Падляшскую на закупы. Удалося скласці спіс гэтых найбольш важных беларусаў, іхніх жонак.
Чыста выпадкова на мяжы іх сталі затрымліваць. Чыста выпадкова жонцы аднаго з важных беларускіх функцыянераў у новым аўтамабілі адкруцілі унутраную абшыўку столі, бо сабачка вынюхаў наркотыкі. Ніякіх наркотыкаў не знайшлі, але непрыемна было», — расказвае Юраш.
Па словах былога дыпламата, прыкладна праз два тыдні беларускі бок прапанаваў спыніць узаемнае стварэнне праблем.
Але палякі хацелі, каб у Мінску дакладна зразумелі прычыну таго, што адбывалася на мяжы. Юраш сцвярджае, што было дамоўлена: адзін з кіраўнікоў Памежнай аховы Польшчы патэлефануе яму з Варшавы па адкрытай лініі, якую, паводле былога дыпламата, праслухоўвалі беларускія спецслужбы, і спытае, ці трэба працягваць «кіпіш» у дачыненні да беларусаў, ці беларускі бок ужо адступіў.
Юраш лічыць, што такі спосаб камунікацыі аказаўся больш зразумелым для беларускіх уладаў, чым дыпламатычныя пратэсты.
«Бо гэта такая мова. Калі скажаш: «Мы пратэстуем», — ну то пратэстуй сабе. Калі абараняешся — ну то абараняйся. Тое, пра што я кажу, — паняцце «дээскалацыйная эскалацыя». Гэта расейцы ў сваёй стратэгіі выкарыстоўваюць, — патлумачыў ён.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь24
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы88
Каментары