У некаторых вайсковых часцях гэта было абавязковай умовай для службы па кантракце.
«У частцы Камітэта дзяржбяспекі, МУС, усіх праваахоўных органаў мы выйдзем на тое, што патрэбна будзе рэкамендацыя Саюза моладзі, каб працаваць на гэтай ніве, і таму ў гэтым плане будзе ўзмацняцца роля маладзёжнай арганізацыі», — Лукашэнка публічна агучыў тое, што даўно стала нормай. Прычым не толькі ў КДБ і МУС. Па палітычнай прыкмеце адбіраюць нават кантрактнікаў у войска. Сяброўства ў БРСМ было абавязковай умовай для службы па кантракце яшчэ 10 гадоў таму, калі я служыў.
З 2003-га па 2004-ы год мне давялося служыць у радыётэхнічным палку асаблівага прызначэння. Аднойчы нас сабралі ў клубе на сустрэчу з сакратаром раённай арганізацыі БРСМ. Той адразу ж перайшоў да пераліку бонусаў, якія можа атрымаць сябар арганізацыі ў Навагрудку і раёне. У прыватнасці, абяцалася спрыянне ў працаўладкаванні, зніжкі ў шэрагу крамаў.
А напрыканцы сустрэчы на сцэну выйшаў адзін з намеснікаў камандзіра палка і падкрэсліў, што ўступленне ў БРСМ абавязковае для тых, хто жадае працягнуць службу ў войску па кантракце.
Вось такі падзел на грамадзян першага і другога гатунку ў залежнасці ад палітычных поглядаў. Такі самы, які быў у СССР і нацысцкай Германіі.
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары