Брытанка ледзь не памёрла, калі клеткі дзіцяці з каляплоднымі водамі трапілі ў лёгкія
32-гадовая Энджэла Котэм ледзь не стала ахвярай рэдкага ўскладнення пры родах, якое сустракаецца ў адным выпадку з 80 тыс.
Энджэла, цяжарная двайнятамі, была дастаўлена ў бальніцу з прээклампсіяй (позні таксікоз цяжарных). Пры прээклампсіі развіваецца высокі ціск і ацёкі. Гэты стан вельмі небяспечны, таму медыкі вырашылі выклкікаць роды за пяць тыдняў да тэрміна, каб захаваць жыццё маці і дзвюх дзяўчынак. Роды прайшлі паспяхова, але пасля іх Энджэла стала ахвярай яшчэ цяжэйшага сіндрому — эмбаліі каляплодных водаў, паведамляе The Daily Mail.
Гэта рэдкае захворванне ўзнікае, калі каляплодныя воды пранікаюць у крываток маці.Разам з вадкасцю ў кроў Энджэлы трапілі клеткі пазногцяў ці валасоў яе дзяцей. Іншародныя аб’екты дайшлі да лёгкіх і выклікалі моцную алергічную рэакцыю. Энджэла пачала задыхацца, а потым яе лёгкія перасталі працаваць. Больш за тое, кроў жанчыны перастала згортвацца і яна згубіла амаль чатыры літры крыві.
Медыкам спатрэбілася зрабіць 22 пераліванні за тры гадзіны, каб стабілізаваць стан Энджэлы, якая трапіла ў кому і прачнулася праз 12 гадзін.
Большасць медыкаў ніколі не сутыкаюцца з эмбаліяй каляплоднымі водамі, бо яна сустракаецца рэдка: паводле розных звестак ад аднаго выпадку да 80 тыс. родаў, і прычына ўзнікнення эмбаліі каляплоднымі водамі дакладна невядома, але часта яна ўзнікае ў жанчын, цяжарных двума ці больш дзецьмі, і ёй папярэднічае актыўная родавая дзейнасць.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1818
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс18
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары