БПЦ: У царкоўных лаўках недапушчальна гандляваць кантрафактнай літаратурай і іконамі
У царкоўных крамах недапушчальна гандляваць кантрафактнай літаратурай, пірацкайаўдыё-і відэапрадукцыяй. Гэта ж правіла распаўсюджваецца на абразы і іншыя прадметы рэлігійнага прызначэння.
Аб гэтым заявіў на пасяджэнні рады рэгіянальных прадстаўнікоў Выдавецкай рады Беларускага Экзархата епіскап Барысаўскі Веніямін.
На пасяджэнні абмяркоўваўся кантроль якасці выдавецкай прадукцыі, якая распаўсюджваецца праз сетку царкоўных лавак. Былі ўнесеныя прапановы прызначыць адказных за кантролем над прадаванай прадукцыяй па благачыніях, а таксама арганізаваць пры буйных царкоўных бібліятэках чытацкія рады, куды ўвайшлі б людзі з багаслоўскай адукацыяй.
Чакаецца, што абмеркаваныя Выдавецкай радай пытанні ўвойдуць у парадак дня пасяджэння Сінода Беларускай праваслаўнай царквы.
Каментары