Сёлета ў Каталіцкім Касцёле ўрачыстасць Звеставання Найсвяцейшай Панне Марыі будзе адзначацца 8 красавіка, а не як традыцыйна 25 сакавіка.Перанос звязаны з тым, што ў гэтым годзе 25 сакавіка прыпадае на Вялікі тыдзень.
У дадзеным выпадку свята пераносіцца на панядзелак пасля актавы Вялікадня.
Звеставанне Марыі — гэта дзень, у які Арханёл Габрыэль (Гаўрыіл) абвясціў ёй пра тое, што яна стане Маці Бога, і ў які пад яе сэрцам з’явілася новае жыццё — Хрыстос, паведамляе catholic.by
У праваслаўнай грамады Дабравешчанне (Благавешчанне) адзначаецца 7 красавіка. Сёлета розніца ў Вялікаднях складае 5 тыдняў:31 сакавіка Вялікдзень адзначаць каталікі і пратэстанты, а праваслаўныя — ажно 5 мая.
Цікава, што такая разбежка (31 сакавіка і 5 мая) была ў 1918 г., калі абвяшчалася БНР.
У гэту нядзелю, 24 сакавіка, у каталікоў — Вербная нядзеля.
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА10
Каментары