Паводка ў басейне Прыпяці сёлета можа дасягнуць гістарычнага максімуму і пры пэўных умовах перавысіць яго. Пра гэта БелаПАН паведаміла начальнік аддзела гідралагічных прагнозаў Рэспубліканскага гідраметэацэнтра Марына Нагібіна.
Паводле яе слоў, ужо цяпер назіраюцца затапленні жылых дамоў, падворкаў, гаспадарчых пабудоў і ўчасткаў аўтадарог у Петрыкаўскім, Жыткавіцкім, Мазырскім і Рэчыцкім раёнах Гомельскай вобласці, у Пінскім і Столінскім раёнах Брэсцкай вобласці. Аднак вясновыя працэсы толькі пачынаюць развівацца, і разгар паводкі прагназуецца на другую дэкаду красавіка.
Як сказала Нагібіна, у сувязі з вялікім накапленнем снегу і прагнозам яго інтэнсіўнага раставання складаная паводка чакаецца не толькі ў басейне ракі Прыпяць, але і ў басейне рэк Сож, Бярэзіна, Вілія, у ніжнім цячэнні Дняпра і Дзвіны.«У залежнасці ад развіцця падзей падтапленні могуць быць больш значнымі ці, наадварот, менш значнымі, але сітуацыя можа скласціся вельмі неардынарная», — сказала спецыяліст.
Пакуль на большасці рэк захоўваецца ледастаў і ледастаў з палонкамі. Месцамі з’явілася вада на лёдзе, лёд пацямнеў. Таўшчыня ледзянога покрыва на рэках складае ад 20 да 52 см, на іншых вадаёмах — ад 48 да 62 см. Разам з тым назіраецца рост узроўню вады, сутачная інтэнсіўнасць складае ад 1 да 18 см. Закрайкі і шугаход адзначаюцца на Віліі, на асобных участках Нёмана і Прыпяці, некаторых іх прытоках, а таксама на прытоках Заходняга Буга і Сожа.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары